حسن علی کے بعد عماد وسیم بھی دلہا بننے کو بے قرار

فاسٹ بولر حسن علی کے بعد پاکستان کرکٹ ٹیم کا ایک اور کھلاڑی جلد شادی کے بندھن میں بندھنے جارہا ہے۔

فاسٹ بولر حسن علی کی شادی تو ہوئی دبئی میں، انہوں نے بھارتی لڑکی سامعہ آرزو کو اپنی دلہن بنایا، اب عماد وسیم کے دلہا بننے کی باری ہے جن کی شادی 26 اگست کو اسلام آباد میں طے ہے۔

فاسٹ بولر حسن علی بھارتی دوشیزہ کے ساتھ شادی کے بندھن میں بندھ گئے

دبئی میں ہونے والی تقریب میں حسن علی نے سیاہ شیروانی جبکہ ان کی اہلیہ نے قیمتی سرخ عروسی لباس زیب تن کیا

عماد وسیم کی دلہن بنیں گی ثانیہ اشفاق جو برطانیہ میں رہتی ہیں۔ خاندانی ذرائع کے مطابق عما دوسیم نے شادی کی تقریب کے دعوت نامے بھجوادیے ہیں۔

انہوں نے وزیراعظم عمران خان اور ڈی جی آئی ایس پی آر میجر جنرل آصف غفور کو بھی اپنی شادی پر خصوصی دعوت دی ہے۔

اس کے علاوہ سینیٹر فیصل جاوید، نعیم الحق، چیئرمین پاکستان کرکٹ بورڈ احسان مانی، منیجنگ ڈائریکٹر پی سی بی وسیم خان، سابق کپتان وسیم اکرم اور شاہد آفریدی کے علاوہ ساتھی کرکٹرز کو بھی شادی کی تقریب میں مدعو کیا ہے۔