26 اگست ، 2019 
آج کل آن لائن شاپنگ میں ہونے والے فراڈ پر شرعی حکم کیا ہے؟
26 اگست ، 2019
آپ کے مسائل اور اُن کا حل میں آج کل آن لائن خریداری میں ہونے والے نقصانات کے حوالے سے سوال کیا گیا جس کا جواب مولانا ڈاکٹر عبدالرزاق اسکندر نے دیا۔
سوال: اگر ہم ویب سائٹ پر کوئی چیز خریدیں، اور وہ بعد میں دیکھنے پر اس طرح نہ ہو جس طرح ہمارا آرڈر تھا یعنی ہمارے دیے گئے آرڈر کے مطابق نہ ہو، تو اب ہم کیا کرسکتے ہیں؟
سوال: اگر ہم چیز رکھ لیتے ہیں اور خریدار سے قیمت کم کرواتے ہیں تو وہ ٹال مٹول سے کام لیتا ہے اور اگر اسی قیمت پر چیز رکھتے ہیں تو وہ ہمارے معیار کے مطابق نہیں، اس ضمن میں شریعت کیا کہتی ہے۔
سوال: مارکیٹ کا اصول کیا ہے اور قانون کیا کہتا ہے، یہ دریافت کرنا مقصد نہیں ہے، شریعت کیا کہتی ہے ،اس بارے میں رہنمائی درکار ہے؟
جواب: اگر ویب سائٹ پرخریدی گئی چیز ان صفات کی حامل نہ ہو جو صفات اس کی بیان کی گئی ہوں تو خریدار کو خیارِ رؤیت حاصل ہوگا یعنی وہ چاہے تو سودا منسوخ کرسکتا ہے اور اگرچیز میں کوئی ایسا عیب ہو جس کا خریدار کو علم نہیں تھا تو پھر خریدار کو خیارِ عیب حاصل ہوگا،جس کامطلب یہ ہے کہ وہ اگر چاہے تو پوری قیمت پر چیز رکھ لے اور اگر چاہے تو سودا منسوخ کردے مگر اسے یہ حق حاصل نہیں کہ وہ چیز تو رکھ لے اورعیب کے بقدر قیمت کم کرالے۔
