Can't connect right now! retry

دنیا
18 ستمبر ، 2019

پاکستان کا مودی کو پاکستانی فضائی حدود کے استعمال کی اجازت دینے سے انکار

اس کے قبل جون میں پاکستان نے بھارتی وزیراعظم نریندر مودی کو اپنی فضائی حدود استعمال کرنے کی اجازت دی تھی— فائل فوٹو

لاہور: بھارتی وزیراعظم ہاؤس سے ملنے والی اطلاعات کے مطابق بھارت نے اقوام متحدہ کی جنرل اسمبلی کے اجلاس میں شرکت کیلئے جانے والے وزیراعظم نریندر مودی کے طیارے کو پاکستان کی فضائی حدود استعمال کرنے کی اجازت طلب کی تاہم پاکستان نے اجازت دینے سے انکار کردیا۔

وزیر خارجہ شاہ محمود قریشی نے اپنے ویڈیو پیغام میں بتایا کہ نریندر مودی کو پاکستان کی فضائی حدود استعمال کرنے کی اجازت نہ دینے کا فیصلہ کیا ہے۔

شاہ محمود قریشی نے کہا کہ 'ہندوستان سے درخواست آئی تھی کہ ہندوستان کے وزیراعظم نریندر مودی جرمنی جانا چاہ رہے ہیں اور اس مقصد کیلئے وہ 20 ستمبر کو جانے کیلئے اور 28 ستمبر کو واپسی کیلئے پاکستانی فضائی حدود استعمال کرنا چاہ رہے تھے'۔

پاکستان نے مقبوضہ کشمیر کی صورتحال اور بھارت کا رویہ سامنے رکھتے ہوئے اجازت نہ دینے کا فیصلہ کیا ہے، شاہ محمود — فوٹو: اسکرین گریب

شاہ محمود قریشی نے مزید کہا کہ 'پاکستان نے مقبوضہ کشمیر کی صورتحال اور بھارت کا رویہ سامنے رکھتے ہوئے فیصلہ کیا ہے کہ وزیراعظم ہندوستان کو اجازت نہیں دی جائے گی اور اس سے بھارتی ہائی کمیشن کو آگاہ کردیا گیا ہے'۔

خیال رہے کہ بھارتی وزیراعظم نریندر مودی 27 ستمبر کو اقوام متحدہ کی جنرل اسمبلی سے خطاب کریں گے۔

اس کے قبل جون میں پاکستان نے بھارتی وزیراعظم نریندر مودی کو اپنی فضائی حدود استعمال کرنے کی اجازت دی تھی۔

رواں ماہ 7 ستمبر کو پاکستان نے بھارتی صدر کی جانب سے فضائی حدود استعمال کرنے کی درخواست بھی مسترد کر دی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM