Can't connect right now! retry

انٹرٹینمنٹ
04 اکتوبر ، 2019

اقراء عزیز سلور اسکرین پر ڈیبیو کے لیے تیار

فوٹو: بشکریہ انسٹاگرام

سنوچندا سے شہرت حاصل کرنے والی اداکارہ اقراء عزیز اب سلور اسکرین پر ڈیبیو کے لیے فلم ’ہاف فرائے‘ میں منگیتر یاسر حسین کے ساتھ انٹری دینے کے لیے تیار ہیں۔

رانجھا رانجھا کردی اور سنو چندا میں کمال کی اداکاری دکھانے کے بعد اقراء عزیز ڈیبیو فلم میں اپنی حقیقی جوڑی یعنی یاسر حسین کے ساتھ سلور اسکرین پر جلوہ گر ہوں گی۔

ابو علیہا کی تحریر کردہ اور ہدایت کاری میں بننے والی 'ہاف فرائے' کامیڈی ایکشن فلم ہوگی جس میں یاسر حسین اور ان کی منگیتر اقراء عزیز مرکزی کردار میں دکھائی دیں گے۔

اداکارہ اقراء عزیز اس سے پہلے کئی ڈراموں میں اداکاری کے جوہر دکھا چکی ہیں اور اب وہ فلم انڈسٹری میں بھی قدم جمانے کے لیے تیار ہیں۔

دوسری جانب اداکارہ اقراء عزیز کے منگیتر یاسر حسین دو برس بعد فلم 'ہاف فرائے' سے بڑی اسکرین پر واپسی کریں گے، اس سے قبل وہ 'کراچی سے لاہور' اور 'لاہور سے آگے' میں بہترین اداکاری کے جوہر دکھا چکے ہیں۔

فلم 'ہاف فرائے' میں یاسر حسین اور اقراء عزیز کے علاوہ اداکارہ فریال محمود اور فیضان خواجہ بھی ساتھ کام کریں گے۔

ابو علیہا کی فلم ’ہاف فرائے‘ آئندہ سال 2020 میں سینما گھروں کی زینت بنے گی جب کہ اقراء عزیز اور یاسر حسین کے مداح ان دونوں کو بڑی اسکرین پر دیکھنے کے لیے بہت بے تاب ہیں۔

یاد رہے کہ رواں برس لکس اسٹائل ایوارڈ 2019 کے دوران ستاروں کی جھرمٹ میں اداکار یاسر حسین نے اقراء عزیز کو شادی کی پیشکش کی جس پر اداکارہ نے ہاں کردی تھی۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM