احسن خان کی نئی فلم میں چُھپا مضبوط سماجی پیغام

معروف اداکار احسن خان فلم چُھپن چُھپائی کے بعد اب مضبوط سماجی پیغام پر مبنی فلم ’پردے میں رہنے دو‘ میں اداکاری کے جوہر دکھائیں گے۔

احسن خان پاکستان شوبز انڈسٹری کے بہترین اداکاروں میں سے ایک ہیں اور اب اداکار جلد ہی  رومانوی کامیڈی فلم میں پرفارم کرتے نظر  آئیں گے۔

فلم ’پردے میں رہنے دو‘ کی کہانی رومانوی اور کامیڈی ہوگی جب کہ فلم کے ہدایت کار محسن علی اور پروڈیوسر زید شیخ ہیں، فلم میں اداکار احسن خان مرکزی کردار کی حیثیت سے اداکاری کرتے دکھائی دیں گے۔

اداکار احسن خان کے مطابق ’یہ ایک رومانوی اور کامیڈی فلم تو ہوگی لیکن اس کی کہانی میں ایک بہت بڑا سماجی پیغام بھی چھپا ہوا ہے، اور مجھے لگتا ہے کہ ٹیلی ویژن یا فلم پر اس سے پہلے کبھی بھی اس طرح کے سماجی پیغام کو نہیں چھوا گیا۔‘

احسن خان کا کہنا ہے کہ جب ہدایت کار محسن نے مجھے فلم کی کہانی کے بارے میں بتایا تو مجھے یہ بے حد پسند آئی جب کہ فلم کے اسکرپٹ نے میرا دل موہ لیا، مجھے اس فلم کا نظریہ پسند ہے اور مجھے اس میں بہت مزہ آنے والا ہے۔

اداکار احسن خان نے سالگرہ کا دن کینسر کے ننھے مریضوں کے نام کر دیا

کینسر کے مرض میں مبتلا بچوں کو روزانہ زندگی کیلئے لڑتے ہوئے دیکھنا بے حد مشکل ہے، میرے لیے یہ اصل ہیرو ہیں: احسن خان

’ایور ریڈی پکچرز‘ کے بینرز تلے بننے والی فلم ’پردے میں رہنے دو‘ کی مکمل کاسٹ اور ریلیز کے حوالے سے فی الحال کوئی اعلان نہیں کیا گیا ہے۔

اداکار کا کہنا ہے کہ فلم کی مکمل کاسٹ کا جلد اعلان کیا جائے گا جب کہ فلم کی عکس بندی چند ماہ بعد شروع کی جائے گی۔

یاد رہے کہ اداکار احسن خان کو سلور اسکرین پر آخری مرتبہ 2017 میں ایک کامیڈی تھرلر فلم ’چھپن چھپائی‘ میں دیکھا گیا تھا جس میں ان کے مدمقابل خوبرو اداکارہ نیلم منیر تھیں۔

’ڈرامہ ’الف‘ ٹیلی ویژن کے استعمال کی مثال قائم کرے گا‘

’الف‘ ڈرامہ سیریل کو سال کا سب سے بڑا رومانوی ڈرامہ قرار دیا جا رہا ہے

 اداکار  احسن خان فلم ‘پردے میں رہنے دو’ کے علاوہ اداکارہ عائشہ عمر کے ساتھ فلم ’رہبرا‘ میں بھی جلد نظر آئیں گے۔

واضح رہے کہ اداکار احسن خان حال ہی میں نشر کیے جانے والے جیو ٹی وی کی ڈرامہ سیریل ’الف‘ میں بھی معاون کردار کرتے دکھائی دے رہے ہیں جنہیں مداحوں کی جانب سے بے حد پسند کیا جا رہا ہے۔