Can't connect right now! retry

پاکستان
09 نومبر ، 2019

بھارتی سپریم کورٹ اقلیتوں کا تحفظ کرنے میں ناکام رہی: پاکستان

بھارتی سپریم کورٹ کے فیصلے سے بھارت کے نام نہاد سیکولرازم کا چہرہ بے نقاب ہوگیا،ترجمان دفتر خارجہ

پاکستان نے بابری مسجد کے حوالے سے بھارتی سپریم کورٹ کے فیصلے پر گہری تشویش کا اظہار کرتے ہوئے کہا ہے  کہ  بھارتی سپریم کورٹ اقلیتوں کے مفادات کا تحفظ کرنے میں ناکام رہی ہے۔

بھارتی سپریم کورٹ نے بابری مسجد کیس کا فیصلہ سناتے ہوئے مسجد کی زمین ہندوؤں کے حوالے کرتے ہوئے وہاں پر مندر تعمیر کرنے کا حکم دیا ہے۔

اس فیصلے پر ردعمل میں ترجمان دفتر خارجہ نے کہا کہ فیصلے سے ایک بار پھر انصاف کا تقاضا پورا نہیں ہوا۔

دفتر خارجہ کا کہنا ہے کہ بھارتی سپریم کورٹ کے فیصلے سے بھارت کے نام نہاد سیکولرازم کا چہرہ بے نقاب ہوگیا اور فیصلے سے ظاہر ہوتا ہے کہ بھارت میں اقلیتیں محفوظ نہیں جب کہ اقلیتوں کو اپنے عقائد اور عبادت گاہوں پر تشویش لاحق ہو گئی ہے۔

ترجمان دفتر خارجہ نے تشویش کا اظہار کرتے ہوئے کہا ہے کہ بھارت میں ہندو انتہا پسندانہ سوچ خطے میں امن کے لیے خطرہ ہے اور ہندوتوا نظریہ دیگر اداروں کو متاثر کر رہا ہے۔

بھارت کی عدالت عظمیٰ کی جانب سے یہ فیصلہ ایسے وقت سامنے آیا ہے جب پاکستان کی جانب سے سکھوں کو ان کے اہم مذہبی مقام تک رسائی کے لیے کرتارپور راہدراری کا افتتاح کیا گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM