22 نومبر ، 2019 
برسبین ٹیسٹ کا دوسرا روز بھی آسٹریلیا کے نام
22 نومبر ، 2019
فلاپ بیٹنگ کے بعد پاکستانی بولرز بھی آسٹریلوی بلے بازوں کے سامنے بے بس نظر آئے اور دوسرے روز صرف ایک کھلاڑی کو ہی آؤٹ کر پائے۔
برسبین کے گابا اسٹیڈیم میں کھیلے جا رہے پہلے ٹیسٹ میچ میں آسٹریلیا کی پہلی اننگز میں بیٹنگ جاری ہے اور میزبان ٹیم نے کھیل کے دوسرے روز ایک وکٹ کے نقصان پر 321 رنز بنا لیے ہیں اور انہیں پاکستان پر 72 رنز کی سبقت حاصل ہو گئی ہے۔
گابا کی تیز رفتار وکٹ پر نا تو نسیم شاہ کی تیز رفتار گیندیں کینگروز کو ڈرا سکیں اور نا ہی یاسر شاہ کا اسپن جادو چلا۔
دوسرے روز کا کھیل ختم ہوا تو ڈیوڈ وارنر 151 رنز اور مارنس لبوشین 55 رنز کے ساتھ وکٹ پر موجود تھے جب کہ آسٹریلیا کے واحد آؤٹ ہونے والے کھلاڑی جو برنس تھے جو 97 رنز بنا کر یاسر شاہ کی گیند پر بولڈ ہوئے اور نروس نائنٹیز کا شکار بنے۔
خیال رہے کہ گزشتہ روز پاکستانی ٹیم اپنی پہلی اننگز میں 240 رنز بنا کر آؤٹ ہو گئی تھی، اسد شفیق نے سب سے زیادہ 76 رنز بنائے تھے۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
