فیصل قریشی شوٹنگ کے دوران 'گولی' لگنے سے زخمی

معروف اداکار فیصل قریشی ڈرامہ ریکارڈنگ کے دوران ربڑ کی گولی لگنے سے زخمی ہوگئے۔

رپورٹ کے مطابق اداکار فیصل قریشی کراچی میں ڈرامے کی ریکارڈنگ میں مصروف تھے کہ انہیں ربڑ کی گولی لگی اور وہ زخمی ہوگئے۔

سوشل میڈیا پر وائرل ویڈیو میں دیکھا جاسکتا ہے کہ فیصل قریشی ڈرامے کی ریکارڈنگ میں مصروف ہیں اور اس دوران اسکرپٹ کے مطابق ان پرفائرنگ کی جاتی ہے لیکن حفاظتی اقدامات نہ ہونے کے باعث وہ زخمی ہوگئے۔

واقعے کے حوالے سے فیصل قریشی کا کہنا ہے کہ حفاظتی اقدامات میں کوتاہی ہوئی ، لیکن خدا نے بڑے نقصان سے بچالیا ہے۔

فیصل قریشی نے پروڈکشن ہاؤس کھول لیا

فیصل قریشی نے 26 اکتوبر کو اپنی سالگرہ کے موقع پر اپنے پروڈکشن ہاؤس کا افتتاح کیا۔

واضح رہے کہ 80 کی دہائی میں پاکستان ٹیلی ویژن کے معروف ڈارمہ سیریل 'اندھیرا اجالا' سے شہرت حاصل کرنے والے فیصل قریشی لاتعداد ڈراموں میں کامیاب اداکاری کے علاوہ فلموں میں بھی کام کرچکے ہیں۔

 جب کہ گذشتہ چند سالوں سے وہ نجی ٹی وی پرایک پروگرام کی میزبانی بھی کررہے ہیں۔