پاکستان ساؤتھ ایشین گیمز 2021 کی میزبانی کرے گا

پاکستان میں کھیلوں کے  بین الاقوامی ایونٹس کو فروغ دینے کے لیے بڑے پیمانے پر اقدامات ہو رہے ہیں اور کرکٹ کے بعد دیگر بین الاقوامی مقابلے بھی ملک میں ہونا شروع ہو گئے ہیں۔

پاکستان اولمپکس ایسو سی ایشن (پی او اے) کے صدر عارف حسن  نے اعلان کیا ہے کہ پاکستان 2021 میں ساؤتھ ایشن گیمز کی میزبانی کرے گا۔

عارف حسن ساؤتھ ایشن 2021 کے گیمز کی میزبانی کا پرچم وصول کرنے  کھٹمنڈو روانہ ہو گئے ہیں جہاں وہ 10 دسمبر کو اختتامی تقریب میں گیمز کا روایتی پرچم وصول کریں گے۔

ساؤتھ ایشن 2021  کی میزبانی سے متلعق عارف حسن کا کہنا ہے کہ پاکستان میں ساؤتھ ایشین گیمز بہترین طریقے سے کرائیں گے، 2004 میں اسلام آباد میں گیمز ہوئے اس بار 3 شہروں میں کرانے کا منصوبہ ہے۔ 

خیال رہے کہ کھٹمنڈو میں ساؤتھ ایشین گیمز 2019 جاری ہے جس میں  پاکستان نے  اب تک 20 گولڈ میڈل، 24 سلور اور 33 برانز میڈلز حاصل کر لیے ہیں۔