11 دسمبر ، 2019 
پاکستان
رینجرز غیر معینہ مدت کے لیے طلب کی گئی ہے جو شہر کی اہم عمارتوں اور مقامات کی حفاظت کرے گی، نوٹیفکیشن— فوٹو: فائل
کشیدہ حالات: لاہور میں رینجرز کے 10 پلاٹون اور دو کمپنیاں طلب
11 دسمبر ، 2019
پنجاب انسٹی ٹیوٹ آف کارڈیالوجی (پی سی آئی) میں وکیلوں کے حملے کے بعد لاہور شہر میں کشیدہ حالات کے پیش نظر غیر معینہ مدت کیلئے رینجرز کو طلب کر لیا گیا۔
وفاقی وزارت داخلہ کی طرف سے ڈی جی رینجرز پنجاب کو لکھے گئے مراسلے میں کہا گیا ہے کہ شہر کے اہم مقامت کی حفاظت کے رینجرز کے 10 پلاٹون اور دو کمپنیاں بھیجی جائیں۔
وزارت داخلہ کے مطابق رینجرز کی ایک ایک پلاٹون گورنر ہاؤس، پنجاب اسمبلی، جی پی او چوک، سول سیکرٹریٹ، ایوانِ عدل، سپریم کورٹ رجسٹری، ہائیکورٹ، آئی جی آفس اور پی آئی سی میں تعینات ہوں گی جبکہ دو کمپنیاں ریزرو میں رکھی جائیں گی۔
خیال رہے کہ وکلاء کے پنجاب انسٹیٹیوٹ آف کارڈیالوجی پر حملے میں خاتون سمیت 3 مریض بروقت علاج نہ ملنے پر انتقال کرگئے۔
