شدت پسند اور متعصبانہ سوچ کو قوم پر مسلط ہونے نہیں دیں گے: وزیراعظم
16 دسمبر ، 2019
وزیراعظم عمران خان کا کہنا ہے کہ کسی بھی قسم کی شدت پسند اور متعصبانہ سوچ کو قوم پر مسلط ہونے نہیں دیں گے۔
سانحہ اے پی ایس کے 5 سال مکمل ہونے پر وزیراعظم عمران خان نے اپنے پیغام میں کہا کہ آج ہم سانحہ اے پی ایس میں نشانہ بننے والوں کو یاد کر رہے ہیں۔
انہوں نے کہا کہ معصوم بچوں کے خون نے پوری قوم کو انتہاپسندی اور دہشتگردی کے خلاف متحد کیا، آج ہم سانحہ اے پی ایس کے ننھے شہداء کو خراج عقیدت پیش کر رہے ہیں۔
وزیراعظم نے کہا کہ آج ہمیں اپنی فورسز کی قربانیوں کو بھی خراج تحسین پیش کرنا چاہیے، کسی بھی قسم کی شدت پسند اور متعصبانہ سوچ کو قوم پر مسلط ہونے نہیں دیں گے۔
