02 فروری ، 2020 
اپٹما کا بجلی کے اضافی ٹیرف واپس نہ لینے کی صورت میں ملک گیر ہڑتال کا اعلان
02 فروری ، 2020
بجلی کے بڑھتے ٹیرف کے معاملے پر ٹیکسٹائل ملزمالکان اور وزارت بجلی کے درمیان تنازعہ شدت اختیار کرگیا، آل پاکستان ٹیکسٹائل ملز ایسوسی ایشن (اپٹما) نے ملک گیر ہڑتال کی دھمکی دے دی۔
اپٹماذرائع کےمطابق بجلی کے بلوں میں اضافی سرچارجزکی وصولی کی بنا پر تمام ملوں کو 40 فی صد اضافی بل بھیج دیے گئے ہیں ،اورفی یونٹ قیمت 12 کے بجائے 20 روپے وصول کی جا رہی ہے۔
ٹیکسٹائل ملز مالکان کی جانب سے اضافی ٹیرف کو مسترد کردیا گیا ہے۔
ذرائع کے مطابق اپٹما کی جانب سے وزیراعظم عمران خان کوخط لکھا گیا ہے کہ اگلے ہفتےتک فیصلہ واپس لیا جائے۔
آل پاکستان ٹیکسٹائل ملز ایسوسی ایشن کا کہنا ہے کہ بجلی کے اضافی بل ادا کرنے کی سکت نہیں، 100ملیں پہلے ہی بند ہو چکی ہیں ،اب باقی کو بھی بند کرنے پر مجبور کیاجا رہا ہے۔
خط میں کہا گیا ہے کہ اس مرتبہ کپاس کی پیداوار بھی ریکارڈ کم ہوئی ہے، حکومت لاکھوں افراد کو بے روز گار کرنے سے باز رہے۔
اپٹما کا کہنا ہے کہ ایک ہفتے میں بجلی کی قیمتوں میں اضافہ واپس نہ لیا گیا تو ملک گیر ہڑتال کی جائے گی اور تمام ملیں بند کردیں گے۔
مزید خبریں :
انٹربینک میں ڈالر مہنگا ہوگیا
2 گھنٹے پہلے
ملک میں فی تولہ سونےکی قیمت کتنی ہے؟
3 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
