Can't connect right now! retry

دنیا
11 فروری ، 2020

دہلی کے انتخابات میں مودی کی جماعت کا صفایا، عام آدمی پارٹی کامیاب

دہلی کے ریاستی انتخابات میں عام آدمی پارٹی نے حکمران جماعت بھارتیہ جنتا پارٹی (بی جے پی) کا صفایا کردیا۔

8 فروری کو بھارتی ریاست نئی دہلی کی اسمبلی انتخابات کے لیے پولنگ ہوئی تھی جس کی 70 نشستوں پر 600 سے زائد امیدوار میدان میں تھے۔

ریاستی اسمبلی کے انتخابات میں ووٹوں کی گنتی کا عمل جاری ہے اور اب تک کے سرکاری نتائج کے مطابق نئی دہلی میں بھارتیہ جنتا پارٹی (بی جے پی) کو شرمناک شکست ہوئی ہے۔

بھارتی الیکشن کمیشن کی جانب سے جاری نتائج کے مطابق عام آدمی پارٹی نے 70 میں سے 62 نشستوں پر کامیابی حاصل کرلی ہے جبکہ بی جے پی 8 سیٹیں حاصل کرسکی ہے۔

دہلی کے ریاستی انتخابات میں کانگریس کا کوئی بھی امیدوار کامیاب نہ ہوسکا اور بھارتی میڈیا نے دعویٰ کیا ہے کہ متعدد کانگریسی امیدواروں کی ضمانتیں بھی ضبط ہوئی ہیں۔

اب تک کے نتائج کے مطابق عام آدمی پارٹی کے 5 مسلمان امیدوار بھی میدان مارچکے ہیں جبکہ وزیراعلیٰ اروند کیجریوال نے کامیابی کا جشن مناتے ہوئے ’انقلاب زندہ باد‘ کے نعرے بھی لگائے۔

عام آدمی پارٹی نے ریاستی انتخابات میں مسلسل تیسری بارمیدان مارا ہے اور ایک بار پھر عام آدمی پارٹی کے اروند کیجریوال وزیراعلیٰ بنیں گے۔

دوسری جانب نتائج کے اعلان سے قبل بھارتیہ جنتا پارٹی کی کامیابی کے دعوے کرنے والے رہنماؤں نے بھی شکست تسلیم کرلی ہے۔

بی جے پی کے صدر جگت پرکاش نڈا نے عام آدمی پارٹی کو مبارکباد دیتے ہوئے بیان میں کہا ہے کہ لوگوں کا مینڈیٹ قبول کرتے ہوئے شکست تسلیم کرتے ہیں اور ریاستی اسمبلی میں اپوزیشن کا کردار نبھاتے رہیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM