کورونا کا خوف: بازارِ حصص میں بھی مندی کا رجحان

کورونا وائرس کے خوف نے پاکستان سمیت پوری دنیا کو اپنی لپیٹ میں لے لیا ہے جس کی وجہ سے اب معیشت بھی متاثر ہونا شروع ہوگئی ہے۔

پاکستان سمیت ایشیائی منڈیوں میں کاروباری ہفتے کے آغاز پر مندی کا رجحان دیکھنے میں آیا۔

چین میں کورونا سے مزید 150 افراد ہلاک، دیگر ملکوں میں اموات 27 ہو گئیں

ایران میں کورونا وائرس سے 8 ہلاکتوں کے بعد پاکستان، ترکی اور افغانستان سے ایران سے ملحقہ اپنی سرحدیں آمدورفت کے لیے بند کر دی ہیں۔

پاکستان اسٹاک ایکسچینج کے 100 انڈیکس میں 1100 سے زائد پوائنٹس کی کمی ریکارڈ کی گئی جس کے بعد 100 انڈیکس 39 ہزار 143 پوائنٹس پر بند ہوا۔

بازارمیں آج 14 کروڑ حصص کے سودے ساڑھے 5 ارب روپے میں ہوئے۔

کاروباری دن میں سرمایہ کاروں کے شیئرز کی مالیت 175 ارب روپے کم ہوئی ہے۔

مارکیٹ کیپٹلائزیشن کاروباری دن کے اختتام پر 7 ہزار 355 ارب روپے ہوگئی ہے۔