02 مارچ ، 2020 
حکومت نے عالمی منڈی میں تیل کی گرتی قیمت کا فائدہ عوام کو منتقل نہ کیا
02 مارچ ، 2020
اسلام آباد: وفاقی حکومت نے عالمی منڈی میں تیل کی گِرتی ہوئی قیمتوں کا پورا ریلیف صارفین کو منتقل کرنے کی بجائے تمام پیٹرولیم مصنوعات پرعائد لیوی میں ایک 140 فیصد تک اضافہ کر دیا۔
جیو نیوز کو ملنے والی دستاویز کے مطابق پیٹرول کی قیمت میں کمی کا پورا ریلیف دینے کی بجائے صرف 51.54 فیصد ریلیف صارفین کو منتقل ہوا اور ڈیزل پر 35 فیصد جب کہ مٹی کے تیل پر 54.81 فیصد ریلیف صارفین کو منتقل ہوا، باقی ریلیف پیٹرولیم مصنوعات پر عائد لیوی میں شامل کر دیا گیا۔
دستاویز کے مطابق پیٹرول پر عائد لیوی میں 4 روپے 70پیسے اضافہ کرکے اسے 19 روپے 75 پیسے کردیا گیا اور ڈیزل پر 9 روپے 16 پیسے اضافے سے لیوی 25 روپے 5 پیسے ہو گئی جب کہ مٹی کے تیل پر پیٹرولیم لیوی میں 5روپے 77 پیسے اضافہ کرکے لیوی 12روپے 33پیسے کر دی گئی۔
ذرائع کے مطابق گزشتہ ماہ کی سطح پر پیٹرولیم لیوی رکھ کر پیٹرول 9روہے 70پیسے ، ڈیزل 14روپے اور مٹی کا تیل 12روپے 77پیسے تک سستا ہو سکتا تھا۔
یکم مارچ سے لائٹ ڈیزل آئل پر عائد لیوی 2 روپے 6 پیسے سے بڑھا کر 4 روپے 94 پیسے فی لیٹر کر دی گئی ہے۔
مزید خبریں :
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
