05 مارچ ، 2020 
گائے کا پیشاب اور گوبر کورونا وائرس کا علاج ہے: بھارتی رکن اسمبلی
05 مارچ ، 2020
پوری دنیا کے سائنسدان جہاں کورونا وائرس کے بچاؤ کے لیے دوائی ایجاد کرنے کی کوششوں میں مصروف ہیں ایسے ہیں بھارت کی حکمران جماعت بھارتیہ جنتا پارٹی ( بی جے پی) کی رکن اسمبلی نے موذی مرض سے بچاؤ کے لیے انوکھا طریقہ بتا دیا ہے۔
بھارتی ریاست آسام سے بی جے پی کی رکن اسمبلی سمن ہری پریا کا کہنا ہے ’میں سمجھتی ہوں کہ گائے کا پیشاب اور گوبر کو کورونا وائرس کے علاج کے لیے استعمال کیا جا سکتا ہے‘۔
سمن ہری پریا کا کہنا ہے کہ گائے ہمارا اثاثہ ہے جس کے پیشاب اور گوبر سےکینسر جیسے موذی مرض سمیت متعدد امراض کی ادویات تیار کی جا چکی ہیں۔
بی جے پی کی رکن اسمبلی کا مزید کہنا تھا کہ گجرات کے ایک اسپتال میں کینسر کے مریضوں کو گائے کے ساتھ رکھا جاتا ہے، مریضوں کے جسم پر گائے کا گوبر ملا جاتا ہے اور گائے کے پیشاب سے بنی دوا انھیں پلائی جاتی ہے۔
خیال رہے کہ گزشتہ برس دسمبر سے چین کے شہر ووہان سے سامنے آنے والا کورونا وائرس دنیا کے 84 ممالک میں پھیل چکا ہے، وبا سے اب تک دنیا بھر میں 3 ہزار 285 افراد ہلاک اور 95 ہزار سے زائد متاثر ہو چکے ہیں، بھارت میں بھی کورونا وائرس کے 29 مریض سامنے آئے ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
4 گھنٹے پہلے
غزہ پر اسرائیلی بمباری سے مزید 38 فلسطینی شہید
6 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
