13 مارچ ، 2020 
کورونا وائرس: ماؤنٹ ایورسٹ بھی بند، مہم جوئی کے اجازت نامے منسوخ
13 مارچ ، 2020
کھٹمنڈو: نیپال نے کورونا وائرس کے خدشے کے پیش نظر دنیا کی بلند ترین چوٹی ماؤنٹ ایورسٹ کو بھی بند کردیا۔
برطانوی نشریاتی ادارے کے مطابق نیپالی حکومت نے ماؤنٹ ایورسٹ پر مہم جوئی کے اجازت ناموں کو 14 مارچ سے 30 اپریل تک معطل کردیا ہے جب کہ چین نے پہلے ہی اپنے علاقے سے ماؤنٹ ایورسٹ کو بند کررکھا ہے۔
نیپالی وزیراعظم ہاؤس کی جانب سے جاری بیان میں بھی ماؤنٹ ایورسٹ کو 30 اپریل تک بند کیے جانے کی تصدیق کرتے ہوئے کہا گیا ہےکہ 2020 کے سیزن کے لیے پہلے سے جاری کیے گئے اور آئندہ جاری ہونے والے تمام اجازت نامے منسوخ کردیے گئے ہیں۔
اس کے علاوہ نیپالی حکومت نے سیاحوں کو ہدایت جاری کی ہےکہ 14 مارچ سے ملک میں آنے والے سیاح 14 روز کا قرنطینہ اختیار کریں۔
امریکا، بھارت، چین، برطانیہ، جاپان اور جنوبی کوریا سے زیادہ تر مہم جو ماؤنٹ ایورسٹ پر مہم جوئی کے لیے آتے ہیں جب کہ یہ حکومت کے ریونیو کا ایک بڑا ذریعہ ہے۔
نیپال کے مقامی میڈیا کی رپورٹس میں بتایا گیا ہےکہ نیپالی سیاحت کے شعبے میں ماؤنٹ ایورسٹ پر مہم جوئی سے سالانہ 4 ملین ڈالرز کی آمدن ہوتی ہے۔
ماؤنٹ ایورسٹ پر مہم جوئی کے لیے جانے والی سیاحوں کو حکومت کی اجازت کے ساتھ 11 ہزار امریکی ڈالرز بھی ادا کرنا ہوتے ہیں جس میں ٹرانسپورٹیشن کمپنیوں کی فیس شامل نہیں ہوتی۔
واضح رہےکہ نیپال میں کورونا وائرس کے اب تک ایک کیس کی تصدیق ہوئی ہے جس کے بعد حکومت نے حفاظتی انتظامات تیز کردیے ہیں اور بھارت کے ساتھ ملنے والی سرحد کو بند کردیا ہے۔
حکومت نے عوام سے شادی بیاہ سمیت دیگر تقریبات اور عوامی اجتماعات منعقد کرنے سے گریز کرنے درخواست کی ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
5 گھنٹے پہلے
غزہ پر اسرائیلی بمباری سے مزید 38 فلسطینی شہید
7 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
