Can't connect right now! retry

کھیل
20 مارچ ، 2020

کورونا کی وجہ سے پاکستان کی نیدرلینڈز اور آئیر لینڈ کیخلاف سیریز بھی خطرے میں

رواں سال جولائی میں نیدرلینڈز نے 3 ون ڈے اور آئرلینڈ نے 2 ٹی ٹوئنٹی میچز کی میزبانی کرنی ہے— فوٹو: فائل

‏کورونا وائرس کے اثرات کے باعث پاکستان کرکٹ ٹیم کی نیدر لینڈز اور آئر لینڈ کے خلاف سیریز بھی خدشات کا شکار ہوگئیں۔

 کورونا وائرس کے کھیلوں کی سرگرمیوں پر گہرے اثرات پڑ رہے ہیں اور دنیا بھر میں کھیلوں کی سرگرمیاں التواء کا شکار ہو رہی ہیں۔

کورونا وائرس کی موجودہ صورتحال کے پیش نظر یورپ میں بھی کھیلوں کی سرگرمیوں کو ملتوی کیا جانے لگا ہے اور ایسے میں پاکستان کرکٹ ٹیم کی نیدرلینڈز اور آئرلینڈ کے خلاف سیریز بھی خدشات کا شکار ہو گئیں ہیں۔

نیدرلینڈز نے 3 ون ڈے میچز کے لیے پاکستان کی میزبانی کرنی ہے اور یہ میچز 4، 7 اور 9 جولائی کو کھیلے جانے ہیں جبکہ آئرلینڈ میں 2 ٹی ٹوئنٹی میچز 12 اور 14 جولائی کو شیڈول ہیں۔ 

پاکستان کرکٹ بورڈ کے ترجمان کا کہنا ہے کہ ابھی سیریز میں خاصا وقت ہے، نیدرلینڈز اور آئرلینڈ نے بھی کوئی رابطہ نہیں کیا جبکہ سیریز کی میزبانی دونوں ممالک نے کرنی ہے، تو اس لیے فیصلہ بھی انہوں نے کرنا ہے۔

ترجمان کے مطابق اِس وقت سیریز خدشات کا شکار قرار دینا شاید قبل از وقت ہے۔

خیال رہے کہ کورونا وائرس کے پیش نظر  پاکستان سپر لیگ (پی ایس ایل) کے سیمی فائنلز ملتوی کردیے گئے تھے جبکہ اس سے قبل ہی غیرملکی کھلاڑیوں کو لیگ چھوڑنے کی اجازت دے دی گئی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM