بل گیٹس نے کورونا پر قابو پانے کا طریقہ بتا دیا

مائیکرو سافٹ کے بانی  اور دنیا کے امیر ترین افراد میں شامل بل گیٹس کا کہنا ہے کہ بہترین تشخیص اور  سماجی فاصلہ رکھ کر ونا پر قابو  پایا جا سکتا ہے۔

بل گیٹس نے کورونا وائرس کی وبا سے نمٹنے کے لیے اپنے بیان میں کہاکہ کورونا کا سامنا کرنے کے لیے لوگوں کو پر سکون رہنا چاہیے۔

مائیکرو سافٹ کے بانی بل گیٹس کا مزید کہنا تھا کہ اگر حکومتیں بہترین طریقے سے ٹیسٹ کریں اور ملک بند کر دیں تو 6 سے 10 ہفتوں میں بہتر نتائج آسکتے ہیں۔

انہوں نے اپنے بیان میں مزید کہا کہ کورونا وائرس کی  وجہ سے جو ممالک بند ہیں، وہ چند ہفتوں میں اپنے راستے پر واپس آ سکتے ہیں۔

کورونا وائرس افریقا میں پھیلا تو ایک کروڑ اموات ہو سکتی ہیں: بل گیٹس

بل گیٹس نے کورونا وائرس کو دنیا کے لیے بہت بڑا چیلنج قرار دیتے ہوئے کہا وائرس افریقی ملکوں تک پہنچا تو ناقابل کنٹرول وبا کی صورت اختیار کر جائے گا۔

علاوہ ازیں بل گیٹس کا کہنا تھا کہ موجودہ صورتحال سے انتہائی امیر ممالک بھی دوچار ہیں۔

دنیا بھرمیں کورونا کی صورتحال

خیال رہے کہ خطرناک کورونا وائرس سے دنیا بھر میں ہلاکتیں ساڑھے 14 ہزار تک پہنچ چکی ہیں جب کہ وائرس سے متاثرہ افرادکی تعداد 3 لاکھ سے زائد ہے۔