23 مارچ ، 2020 
پاکستان
65 سالہ شخص کوئٹہ کے فاطمہ جناح اسپتال میں زیر علاج تھا جہاں اس کا انتقال ہوا: ترجمان بلوچستان حکومت کی تصدیق— فوٹو:فائل
بلوچستان میں کورونا وائرس سے پہلی ہلاکت
23 مارچ ، 2020
صوبہ بلوچستان میں کورونا وائرس کے باعث پہلی ہلاکت ہوئی ہے جبکہ ملک میں یہ کورونا سے چھٹی موت ہے۔
حکومت بلوچستان کے ترجمان لیاقت شاہوانی نے تصدیق کی ہے کہ کوئٹہ میں 65 سالہ شخص کورونا وائرس کے باعث انتقال کرگیا۔
انہوں نے مزید کہا کہ 65 سالہ شخص کوئٹہ کے فاطمہ جناح اسپتال میں زیر علاج تھا اور یہ صوبے میں کورونا وائرس سے پہلی ہلاکت ہے۔
خیال رہے کہ اس ہلاکت کے بعد ملک میں مہلک وائرس سے ہلاکتوں کی تعداد 6 ہوگئی ہے۔
اس سے قبل خیبرپختونخوا میں 3، سندھ اور گلگت بلتستان میں ایک ایک شخص جاں بحق ہوا ہے۔
واضح رہے کہ ملک میں کورونا وائرس کے مریضوں کی تعداد 803 ہے جن میں سے 6 افراد صحتیاب ہوچکے ہیں۔
