'میو اسپتال میں جاں بحق کورونا مریض کا دل مکمل طور پر کام نہیں کر رہا تھا'

لاہور: ینگ ڈاکٹرز ایسوسی ایشن کے رہنماؤں کا کہنا ہے کہ گزشتہ روز میو اسپتال میں جاں بحق ہونے والے کورونا مریض کا دل مکمل طور پر کام نہیں کر رہا تھا۔

ینگ ڈاکٹرزایسوسی ایشن کے رہنماؤں نے میواسپتال میں پریس کانفرنس کرتے ہوئے کہا کہ نرسز سے بارہ بارہ گھنٹے ڈیوٹی لی جارہی ہے، حفاظتی کٹس کے بغیر کورونا کاؤنٹرز پر کام کررہے ہیں، ایک کٹ دی گئی ہے جو بار بار دھو کر استعمال کررہے ہیں۔

لاہور: میو اسپتال میں کورونا کے بزرگ مریض نے تڑپ تڑپ کر جان دے دی

کورونا وارڈ میں 73 سالہ مریض کی طبیعت بگڑی تو عملے نے بجائے آکسیجن یا دوا دینے کے اسے باندھ دیا جس پر مریض چیختا چلاتا رہا اور دم توڑ گیا

ینگ ڈاکٹرز کا کہنا ہے کہ کورونا وارڈ میں انتقال کرنے والے بزرگ مریض کا دل مکمل کام نہیں کررہا تھا، رات 12 اور صبح 4 بجے مریض کو چیک کیا تھا، کورونا وائرس کی وجہ سے مریض کو کوئی انجیکشن نہیں لگاسکتے تھے، ایسےمریض کوباندھ دیاجاتاہے۔

ینگ ڈاکٹرز نے کہا کہ کسی نےجان بوجھ کر ایسی ویڈیو بناکر ہمیں بدنام کرنے کی کوشش کی ہے۔

ینگ ڈاکٹرز نے شکوہ کیا کہ کورونا سےمتعلق ٹریننگ کی گئی نہ ہی کٹس پہننےکاطریقہ بتایاگیا، آگاہ نہیں کیاگیاکہ کس شعبہ کے ڈاکٹر، نرس اور پیرامیڈک اسٹاف کو کورونا مریضوں کا علاج کرنا ہے۔

پنجاب میں سب سے زیادہ 5 ہلاکتیں، ملک بھر میں کیسز کی تعداد سے 1400 سے تجاوز

آج بروز ہفتہ اب تک پاکستان میں کورونا وائرس کے 42 نئے کیسز سامنے آچکے ہیں

خیال رہے کہ گزشتہ روز لاہور کے میو اسپتال میں ایک بزرگ مریض دم توڑ گیا تھا جس کے حوالے سے یہ کہا گیا تھا کہ اسے کسی نے آکسیجن نہیں دی اور اس نے تڑپ تڑپ کر جان دے دی۔

پاکستان میں کورونا وائرس سے ہلاکتوں کی تعداد 11 ہوگئی اور ملک بھر میں سب سے زیادہ 5 ہلاکتیں اب تک پنجاب میں ہوئی ہیں جب کہ ملک میں مزید نئے کیسز کے بعد مصدقہ کیسز کی تعداد 1415 تک جا پہنچی ہے۔

پاکستان میں اب تک کورونا وائرس سے پنجاب میں سب سے زیادہ 5 ہلاکتیں ہوئی ہیں جہاں لاہور میں 3، فیصل آباد اور راولپنڈی میں ایک ایک ہلاکت ہوئی جب کہ خیبرپختونخوا میں 3، بلوچستان، سندھ اور گلگت میں ایک ایک ہلاکت ہوچکی ہے۔