31 مارچ ، 2020 
غیر تصدیق شدہ کٹس کا کوئی احتمال نہیں، این ڈی ایم اے کا فواد چوہدری کو جواب
31 مارچ ، 2020
اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے وفاقی وزیر فواد چوہدری کی غیر تصدیق شدہ ٹیسٹنگ کٹس سے متعلق وارننگ پر وضاحت دے دی۔
ٹوئٹر پر جاری بیان میں فواد چوہدری نے کہا کہ صوبائی حکومتوں اور نیشنل ڈیزاسٹر مینجمنٹ اتھارٹی (این ڈی ایم اے) کو وارننگ دینا چاہتا ہوں، وائرس کی غیر تصدیق شدہ ٹیسٹنگ کٹس کی بھرمار ہورہی ہے۔
اس حوالے سے این ڈی ایم اے نے بھی ٹوئٹر پر فواد چوہدری کو وضاحت پیش کرتے ہوئے کہا کہ کورونا ٹیسٹ کٹس چین میں پاکستانی سفارتخانے کے ذریعے آرہی ہیں اور یہ کٹس چینی حکومت سےتصدیق شدہ ہیں، غیر تصدیق شدہ کٹس کا کوئی احتمال نہیں۔
واضح رہے کہ چینی حکومت کی جانب سے کورونا وائرس کی تشخیص کے لیے ٹیسٹنگ کٹس، طبی آلات کی در آمد کا سلسلہ جاری ہے جب کہ چند روز قبل سامان کے ساتھ چینی ڈاکٹرز پر مشتمل ایک وفد بھی پاکستان پہنچا ہے جو ملکی ڈاکٹرز کو وائرس پر قابو پانے کے لیے رہنمائی کر رہا ہے۔
مزید خبریں :
توانائی کے حوالے سے جلد اچھی خبر دیں گے، وزیراعظم
10 گھنٹے پہلے
