85 سالہ خاتون نے کورونا وائرس کو شکست دے دی
01 اپریل ، 2020
ایک 85 سالہ معمر برطانوی خاتون نے کورونا وائرس کو شکست دے دی اور صحتیابی کے بعد انہیں اسپتال سے گھر بھیج دیا گیا۔
برطانوی میڈیا کے مطابق مذکورہ خاتون امریکی ریاست کولمبیا میں کروز شپ پر کورونا وائرس میں مبتلا ہوگئی تھیں جہاں سے انہیں نازک صورتحال میں کولمبیا کے ہی ایک اسپتال میں داخل کیا گیا۔
اسپتال میں علاج کے ساتھ ساتھ خاتون نے خود بھی کورونا وائرس کا ڈٹ کر مقابلہ کیا اور بالآخر اسے شکست دے کر صحت یاب ہوگئیں۔
مذکورہ خاتون کے بیٹے نے بھی طبی عملے اور اسپتال انتظامیہ کا شکریہ ادا کیا۔
معمر خاتون کی اسپتال سے فارغ ہوتے وقت کی ویڈیو بھی سوشل میڈیا شیئر کی گئی ہے جس میں دیکھا جاسکتا ہے کہ طبی عملے نے انہیں رخصت کرتے ہوئے تالیاں بجا کر خوشی کا اظہار کیا۔
معمر خاتون اور ان کے بیٹے کا تعلق برطانیہ سے ہے تاہم وہ واپس لوٹنے کے لیے کولمبیا میں فلائٹ آپریشن بحال ہونے کے منتظر ہیں۔
واضح رہے کہ کورونا وائرس سے متعلق طبی ماہرین کا کہنا ہے کہ یہ وائرس معمر افراد کے لیے زیادہ مہلک ثابت ہو سکتا ہے۔
برطانوی خاتون اس وائرس کو شکست دینے والی واحد معمر فرد نہیں ہیں۔ گزشتہ دنوں اٹلی میں ایک سو سال سے زائد عمر کے شخص نے بھی کورونا کو شکست دی تھی۔
