وزیر اعظم کی کورونا کے حوالے سے وزیر اعلیٰ پنجاب کے انتظامات کی تعریف

وزیر اعظم عمران خان سے وزیر اعلیٰ پنجاب سردار عثمان بزدار نے ملاقات کی جس میں وزیر اعظم نے کورونا سے پیدا ہونے والی صورت حال پر وزیر اعلیٰ پنجاب کے انتظامات کو سراہا۔

وزیر اعلیٰ پنجاب عثمان بزدار نے وزیر اعظم کو کورونا وائرس کی روک تھام اور عوام کو ریلیف دینے کے حوالے سے کیے جانے والے اقدامات پر تفصیلی بریفنگ دی۔

کورونا وائرس کسی کو نہیں چھوڑتا، لوگ سوشل میڈیا کی غلط باتوں پر نہ جائیں، وزیراعظم

لوگ پاگل پن کرکے اپنے آپ کومشکل میں نہ ڈالیں، اس غلط فہمی میں نہ رہیں کہ کورونا سے پاکستانیوں کو کچھ نہیں ہوگا، عمران خان کا لاہور میں خطاب

وزیراعلیٰ پنجاب نے صوبے کے مختلف شہروں میں غریب اور نادار لوگوں کو راشن اور امدادی سامان کے 100 ٹرک بھیجنے کے بارے میں بھی بتایا۔

انہوں نے وزیر اعظم کو آگاہ کیا کہ صوبے میں 8 انڈسٹریل یونٹس کو کام کرنےکی اجازت دی گئی ہے جن میں ٹیکسٹائل، اسپورٹس، سرجیکل اینڈ میڈیکل آلات بنانے والے،آٹو پارٹس، فارماسیوٹیکل،لیدر،فروٹ اینڈ ویجیٹیبل اور گوشت یونٹس شامل ہیں۔

خیال رہے کہ وزیراعظم عمران خان ایک روزہ دورے پر لاہور پہنچے تھے اور اب وہ دورہ مکمل کرکے اسلام آباد جاچکے ہیں۔