Can't connect right now! retry

دنیا
12 اپریل ، 2020

کورونا سے متاثرہ برطانوی وزیراعظم صحت یابی کے بعد گھر منتقل

بورس جانسن مکمل صحتیاب ہونے تک بکنگھم شائر میں اپنی سرکاری رہائش گاہ میں رہیں گے،فوٹو:فائل

کورونا وائرس کے باعث اسپتال میں زیر علاج برطانوی وزیراعظم بورس جانسن  صحت یابی کے بعد گھر منتقل ہوگئے۔

برطانوی میڈیا کے مطابق  بورس جانسن کو اسپتال سے ڈسچارج کردیا گیا ہے تاہم وہ  فوری طور پر اپنی ذمہ داریاں نہیں سنبھال سکیں گے۔

برطانوی وزیراعظم کے آفس کے مطابق بورس جانسن مکمل صحتیاب ہونے تک بکنگھم شائر میں اپنی سرکاری رہائش گاہ میں  رہیں گے۔

 برطانوی وزیراعظم کی غیر موجودگی میں ان کی ہدایت پر وزیر خارجہ ذمہ داریاں انجام دے رہے ہیں اور کورونا سے متعلق اہم فیصلے بھی کررہے ہیں۔

خیال رہے کہ برطانوی ویزراعظم میں مارچ کے آخر میں کورونا کی تشخیص ہوئی تھی جس کے بعد انہوں نے گھر پر ہی خود ساختہ تنہائی اختیار کرلی تھی تاہم 10 روز قبل طبیعت  میں خرابی کے باعث انہیں اسپتال منتقل کیا گیا تھا۔

اسپتال میں علاج کے دوران ان کی طبیعت مزید بگڑ گئی تھی جس کے بعد 55 سالہ برطانوی وزیراعظم کو انتہائی نگہداشت کے شعبے  (آئی سی یو) میں منتقل کیا گیا جہاں انہوں نے 3 روز گزارے۔

وزیراعظم آفس کے مطابق بورس جانسن نے اسپتال کے عملے کا خصوصی طور پر شکریہ ادا کیا ہے اور کورونا سے متاثرہ تمام افراد کی صحت کے لیے نیک تمناؤں کا اظہار کیا ہے۔

خیال رہے کہ برطانیہ کورونا سے متاثرہ ممالک میں 8 ویں نمبر پر ہے جہاں 78 ہزار سے زائد افراد کورونا سے متاثر جب کہ9 ہزار 875 افراد ہلاک ہوچکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM