17 اپریل ، 2020 
مقبوضہ کشمیر میں بھارتی فوج کی ریاستی دہشت گردی جاری، 4 کشمیری شہید کردیے
17 اپریل ، 2020
مقبوضہ کشمیر میں بھارتی فورسز نے کورونا وائرس کی عالمی وبا کے باجود ریاستی دہشتگردی جاری رکھی ہوئی ہے اور آج پھر 4 کشمیری نوجوانوں کو شہید کردیا ہے۔
کشمیر میڈیا سروس کے مطابق غاصب بھارتی فوج نے ضلع شوپیاں کے علاقے ڈائرو کیگام میں نام نہاد سرچ آپریشن کی آڑ میں 2 نوجوانوں کو شہید کردیا۔
بھارتی فورسز نے ضلع کشتواڑ میں بھی دو نوجوانوں کو شہید کیا تاہم آخری اطلاعات تک دونوں اضلاع میں بھارتی فورسزکا محاصرہ اور سرچ آپریشن کا سلسلہ جاری تھا۔
دوسری جانب آل پارٹیز حریت کانفرنس کے ترجمان نے کہا ہے کہ دنیا بھر میں کورونا وائرس کے باعث قیدیوں کو رہا کیا جارہا ہے تاہم مقبوضہ وادی میں بھارتی فوج غیرقانونی طور پر نظربند کشمیریوں کی قید کو طول دیکر سیاسی انتقام کا نشانہ بنا رہی ہے۔
انہوں نے سیکرٹری جنرل اقوام متحدہ اور دیگر عالمی اداروں سے اپیل کی کہ حریت قیادت اور دیگر قیدیوں کی رہائی کے لیے بھارتی حکومت پر دباؤ ڈالیں۔
خیال رہے کہ مقبوضہ کشمیر میں بھی کورونا وائرس کے کئی کیسز کی تصدیق ہوئی ہے تاہم اس کے باجود بھارتی حکومت نے کشمیریوں پر لگائی گئی پابندیوں میں کوئی نرمی نہیں کی ہے۔
پاکستان نے بھی مقبوضہ کشمیر میں کورونا وائرس کے کیسز بڑھنے پر تشویش کا اظہار کیا تھا اور مطالبہ کیا تھا کہ بھارت مقبوضہ کشمیر میں مظالم بند کرے، کشمیریوں کو ادویات اور طبی سہولیات تک رسائی دی جائے۔
مزید خبریں :
ایلون مسک امریکی حکومتی ادارے کی سربراہی پر کتنی تنخواہ لیں گے؟
15 نومبر ، 2024
’2 منٹ کا مہمان ہوں‘، شوہر کی خودکشی سے قبل اہلیہ کو ویڈیو کال
15 نومبر ، 2024
80فیصد مسلمانوں نے ٹرمپ، 78 فیصد یہودیوں نے کملا ہیرس کو ووٹ دیا
15 نومبر ، 2024
