وزیراعظم عمران خان جیو پر تاریخ کی سب سے بڑی ٹیلی تھون کریں گے

کورونا ریلیف فنڈ میں عطیات جمع  کرنے کیلئے وزیراعظم عمران خان جیو کے توسط سے تاریخ کا سب سے بڑا ٹیلی تھون کریں گے۔

حکمران جماعت پاکستان تحریک انصاف کے سینیٹر فیصل جاوید کا کہنا ہے کہ وزیراعظم عمران خان جیو نیوز،جیو انٹرٹینمنٹ اور جیو کہانی پر ٹیلی تھون میں براہ راست عوام سےعطیات اکٹھے کریں گے۔

وزیر اعظم کا لاک ڈاؤن سے پھر انکار ،ٹائیگر فورس اورکورونا ریلیف فنڈ کے قیام کا اعلان

کورونا کو سرمائے سے شکست نہیں دی جاسکتی، پوری قوم متحدہ ہوگی تو کامیابی ملے گی، وزیر اعظم عمران خان کا قوم سے خطاب

فیصل جاوید نے بتایا کہ تاریخ کے سب سے بڑے ٹیلی تھون کی تیاریاں حتمی مراحل میں داخل ہوگئی ہیں، عمران خان 23 اپریل شام 4 بجے سے 6 بجے تک براہ راست عوام سےعطیات وصول کریں گے، دنیا بھر میں موجود پاکستانیوں کوٹیلی تھون میں شرکت کی دعوت دیتے ہیں، ملک بھر سے مخیر حضرات کی کثیر تعداد ٹیلی تھون کا حصہ بنے گی جبکہ بیرون ملک سے بڑی تعدادمیں پاکستانی کوروناریلیف فنڈمیں حصہ ڈالیں گے۔

فیصل جاوید نے کہا کہ ٹیلی تھون میں شریک افراد نیشنل بینک کراچی میں موجود کورونا ریلیف فنڈ کے اکاؤنٹ میں عطیات بھجوائیں گے۔

کورونا فنڈ: اوورسیز پاکستانیوں نے 24 گھنٹوں میں 2400 خاندانوں کی ذمہ داری اٹھالی

بہت جلد اوورسیز ٹائیگر فورس کا بھی آغازکر رہے ہیں جو کہ بیرون ملک پھنسے پاکستانیوں کے لیے راشن کا انتظام کریں گے، زلفی بخاری

خیال رہے کہ وزیراعظم عمران خان نے کورونا وائرس سے نمٹنے کیلئے کورونا ریلیف فنڈ قائم کیا ہے جس کے ذریعے لاک ڈاؤن کی وجہ سے معاشی پریشانی میں مبتلا افراد کی مالی مدد کی جارہی ہے۔