22 اپریل ، 2020 
کورونا سے بچاؤ: بائیکیا میں رائیڈرز کا جسمانی درجہ حرارت بتانے والا فیچر شامل
22 اپریل ، 2020
پاکستان کی مقبول رائیڈنگ و ڈیلیوری سروس بائیکیا نے اپنی ایپ میں کورونا وائرس کی صورتحال کے پیش نظر ایک اہم فیچر شامل کرلیا ہے۔
حکومت کی جانب سے وائرس کا پھیلاؤ روکنے کے لیے لاک ڈاؤن میں صرف ڈیلیوری آٗئٹمز کی اجازت ہے جس کی وجہ سے بائیکیا سروس کا استعمال پہلے سے زیادہ بڑھ چکا ہے یہی وجہ ہے کہ بائیکیا کمپنی نے ایپ میں نیا فیچر شامل کیا ہے جس کے تحت رائیڈر کا باڈی ٹیمپریچر یعنی جسمانی درجہ حرارت ٹریک ہوسکے گا۔
کمپنی کا کہنا ہے کہ اس فیچر سے رائیڈر کو اگر بخار ہو تو ٹریک کیا جاسکتا ہے جس سے صارفین بھی آگاہ رہیں گے۔
بائیکیا کمپنی نے بتایا کہ اس کا سسٹم انتہائی آسان اور سادہ ہے، جب بھی رائیڈر آرڈر لے رہا ہوگا اس کے جسم کا درجہ حرارت ٹریک کرلیا جائے گا جس کے بعد اگر درجہ حرارت اچھی علامت ظاہر نہیں کر رہا ہوگا تو سسٹم بلاک ہوجائے گا۔
کمپنی کا کہنا ہے کہ یہ حفاظتی اقدام ہے تاکہ رائیڈرز اور صارفین دونوں ہی محفوظ رہیں۔
بائیکیا کمپنی نے کہا کہ ہم اپنے رائیڈرز ، ملازمین اور عوام کے تحفظ کے لیے حکومت کی تجویز کردہ تمام احتیاطی تدابیر پر عمل کر رہے ہیں۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
