ہالی وڈ اسٹار بریڈ پٹ نے ڈاکٹر فاؤچی کا روپ دھار کر امریکی صدر کا خوب مذاق اڑایا

ہالی وڈ اسٹار بریڈ پٹ نے کورونا وائرس کے خلاف امریکی صدر کی ٹیم کے اہم رکن اور ماہر  وبائی امراض ڈاکٹر اینتھونی فاؤچی کا خواب پورا کر دیا۔

غیر ملکی خبر رساں ادارے کے مطابق ہالی وڈ اسٹار براڈ پٹ نے سیٹر ڈے نائٹ لائیو (ایس این ایل) ٹی وی شو میں ڈاکٹر انتھونی فاؤچی کا روپ دھارا اور کورونا سے متعلق امریکی صدر کے بیانات کا مذاق اڑایا۔

ہالی وڈ اسٹار بریڈ پٹ کے چاہنے والے اس وقت حیران ہوگئے جب انہوں نے ہفتے کے روز آنے والے شو کو دیکھنے کے لیے ٹی وی کھولا۔

اداکار بیڈ پٹ نےڈاکٹر انتھونی فاؤچی کا روپ دھارے ہوئے امریکی صرد ڈونلڈ ٹرمپ کے کورونا وائرس سے متعلق حالیہ بیانات کی وضاحت کرنا شروع کی۔

کورونا سے نمٹنے والے امریکی سائنسدان کی مقبولیت ٹرمپ سے بھی زیادہ

امریکی سائنسدان ڈاکٹر انتھونی امریکی نیشنل ہیلتھ انسٹی ٹیوٹ میں انفیکشن ڈیزیز پر ریسرچ کے سربراہ ہیں

شو ختم کرنے سے پہلے اداکار بریڈ پٹ نے اپنی ووگ اتاری اور انہوں نے ڈاکٹر انتھونی فاؤچی سمیت کورونا وائرس کے خلاف فرنٹ لائن پر کام کرنے والے تمام تر ہیلتھ ورکرز کا شکریہ بھی ادا کیا۔

خیال رہے کہ نیشنل انسٹی ٹیوٹ آف الرجی اور انفیکشیس امراض کے ڈائریکٹر ڈاکٹر انتھونی فاؤچی نے حالی ہی میں ایک انٹرویو کے دوران اپنی خواہش کا اظہار کیا تھا کہ ٹی وی شو میں بریڈ پٹ ان کا کردار ادا کریں۔