04 مئی ، 2020 
پاکستان
عدالت عظمٰی کے تمام 17 جج صاحبان نے ایک ایک لاکھ روپے ریلیف فنڈ میں جمع کرا دیے: اعلامیہ— فوٹو:فائل
سپریم کورٹ کے ججز کا کورونا ریلیف فنڈ میں ایک، ایک لاکھ روپے کا عطیہ
04 مئی ، 2020
سپریم کورٹ آف پاکستان کے ججز نے وزیراعظم کورونا ریلیف فنڈ میں ایک ایک لاکھ روپے کا عطیہ دے دیا۔
سپریم کورٹ کی جانب سے جاری اعلامیے کے مطابق عدالت عظمٰی کے تمام 17 ججز نے ایک ایک لاکھ روپے ریلیف فنڈ میں جمع کرا دیے۔
اعلامیے میں کہا گیا ہے کہ سپریم کورٹ کے گریڈ 17 سے 22 کے افسران نے دو دن کی تنخواہ عطیہ کی۔
خیال رہے کہ وزیراعظم عمران خان نے کورونا وائرس سے مقابلے کیلئے کورونا ریلیف فنڈ قائم کیا ہے اور بیرون ملک اور تمام پاکستانی شہریوں سے عطیات دینے کی اپیل کی ہے۔
گزشتہ دنوں پی ٹی آئی رہنما فیصل جاوید کے مطابق وزیراعظم کورونا ریلیف فنڈ میں اب تک تین ارب روپے سے زائد جمع ہوچکے ہیں۔
