08 مئی ، 2020 
طارق روڈ ٹریڈرز الائنس نے مالز نہ کھولنے کے فیصلے کی مخالفت کردی
08 مئی ، 2020
کراچی کے مشہور تجارتی مرکز طارق روڈ ٹریڈرز الائنس نے مالز نہ کھولنے کے حکومتی فیصلے کی مخالفت کردی۔
طارق روڈ ٹریڈرز الائنس کے صدر الیاس میمن کا کہنا تھا کہ مالز نہ کھولنے کے فیصلے کیخلاف ہیں اور ہماری کوشش ہوگی کہ پیر کو مالز کھولے جائیں۔
انہوں نے بتایا کہ رات میں چند گھنٹوں کے لیے مالز کھولنےکی تجویز دی ہے، مالز میں فاصلے اور طے کردہ ضابطہ کار پر عمل ہوگا۔
خیال رہے کہ گزشتہ روز وزیراعظم عمران خان نے کورونا وائرس کے باعث جاری لاک ڈاؤن کو 9 مئی سے مرحلہ وار کھولنے کا اعلان کیا تھا جبکہ انہوں نے چھوٹی مارکیٹیں اور دکانیں کھولنے کا اعلان کیا تھا۔
اس کے علاوہ سندھ حکومت نے بھی کہا ہے کہ 9 مئی تک جو کاروبار، ادارے اور دفاتر بند تھے وہ بدستور بند رہیں گے۔
اس فیصلے کے تناظر میں شاپنگ مالز، ریسٹورنٹس اور تعلیمی ادارے بند رہیں گے۔
مزید خبریں :
پاکستان کی نامور مصنفہ بیپسی سدھوا انتقال کر گئیں
1 گھنٹے پہلے
