09 مئی ، 2020
کورونا وائرس نے پوری دنیا کو اپنی لپیٹ میں لے لیا ہے اور وائرس کو پھیلنے سے روکنے کے لیے حفاظتی اقدامات پر سختی سے عمل کیا جا رہا ہے اور اس حوالے سے مختلف اقدامات کیے جا رہے ہیں۔
سنگاپور میں بھی حکام نے احتیاطی تدابیر پر عمل کرانے کے لیے پارکس میں روبوٹک کتے تعینات کرنے کا فیصلہ کیا ہے جو کورونا وائرس پھیلنے سے روکنے کے لیے سماجی فاصلہ برقرار رکھنے کی اہمیت کو اْجاگر کریں گے۔
ان روبوٹس کے ذریعے لوگوں میں سماجی فاصلہ برقرار رکھنے کا پیغام دیا جائے گا۔
رپورٹ کے مطابق ابتدائی طور پر ایک پارک میں یہ روبوٹک کتا تعینات کیا جائے گا اور کامیابی کی صورت میں اس پروگرام کو مزید بڑھایا جائے گا۔