11 مئی ، 2020 
اسٹیٹ بینک نے 500 کمپنیوں کی 47 ارب روپے قرض کی درخواستیں منظور کرلیں
11 مئی ، 2020
کراچی: اسٹیٹ بینک آف پاکستان نے 500 کمپنیوں کی 47 ارب روپے قرض کی درخواستیں منظور کرلیں۔
اسٹیٹ بینک نے کورونا لاک ڈاؤن کے باعث کمپنیوں کیلئے رعایتی قرض اسکیم متعارف کرائی ہے تاکہ کمپنیاں مالی بحران کی وجہ سے ملازمین کو فارغ نہ کریں۔
ترجمان کے مطابق مرکزی بینک نے 500 کمپنیوں کی 47 ارب روپے قرض کی درخواستیں منظور کرلی ہیں۔
ترجمان کا کہنا ہے کہ 103 ارب روپے کے قرض دے کر 10 لاکھ افراد کا روزگار بچایا جا سکے گا۔
دوسری جانب مرکزی بینک کی جانب سے جاری اعلامیے میں بتایا گیا ہے کہ مانیٹری پالیسی کا اعلان 15 مئی کو ہوگا۔
خیال رہے کہ گزشتہ دنوں اسٹیٹ بینک نے 209 کمپنیوں کو 23 ارب روپے کے قرض جاری کیے تھے جس سے 2 لاکھ 20 ہزار ملازمین کی نوکریاں محفوظ ہوگئی تھیں۔
اسٹیٹ بینک کے مطابق کمپنیوں کو قرض 3 فیصد شرح سود پر دیا جا رہا ہے اور اس وقت کُل 1100 کمپنیوں کی 90 ارب روپے کے قرضوں کی درخواستیں زیر غور ہیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
