Can't connect right now! retry

پاکستان
19 مئی ، 2020

دبئی حکومت کی عید پر پاکستانیوں سے خصوصی گزارش

فوٹو: فائل

دبئی کی حکومت نے پاکستانیوں سے عید الفطر کے  دوران سماجی فاصلے برقرار رکھنے کی گزارش کی ہے اور  ساتھ ساتھ متنبہ کیا ہے کہ اگر عید پر کورونا وائرس کے حوالے سے جاری ہدایات کی خلاف ورزی کی گئی تو بھاری جرمانہ عائد کیا جائے گا اور جیل بھی ہو سکتی ہے۔

دبئی کی حکومت نے کہا ہے کہ سماجی فاصلے رکھ کر پاکستانی اپنے آپ کو محفوظ کرسکتے ہیں اور اس کے ساتھ اپنے گھر والوں، پڑوسیوں، رشتے داروں اور پوری ریاست کی حفاظت کرسکتے ہیں۔

دبئی میں بسنے والے پاکستانیوں کو یہ ہدایات، گزراشات اور تنبیہہ ایسےموقع پر جاری کی گئی ہے جب عید الفطر چند دن کی دوری پر ہے۔

دبئی کی حکومت نے تمام پاکستانیوں سے گزارش کی ہے کہ وہ عید کے موقع پر ملنے جلنے سے گریز کریں اور گھر سے باہر نکلتے وقت چہروں پر ماسک اور ہاتھ پر دستانے پہنیں۔

دبئی کی حکومت نے پاکستانیوں سے کہا ہے کہ مستقبل میں خدا ہمیں بہت سی عیدوں سے نوازے گا مگر اس سال عید پر سماجی فاصلہ بھی رکھیں اور احتیاط سے کام لیں۔

حکومت نے درخواست کی ہے کہ لوگوں کی مدد کریں اور لوگوں کے چہروں پر مسکراہٹ بکھیرنے کے لیے حکومت کا ساتھ دیں اور تمام ہدایات پر عمل کریں۔

واضح رہے کہ دبئی میں کورونا وائرس کے پھیلاؤ کے خدشے کے پیش نظر تمام عبادت گاہیں بند ہیں جب کہ عید کی نماز کے اجتماعات بھی منعقد نہیں ہوں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM