کراچی میں ساحل پر دفعہ 144 کے تحت نہانے اور تفریح پر پابندی عائد
23 مئی ، 2020
کمشنر کراچی افتخار شالوانی نے ساحل پر تفریح اور نہانے پر پابندی عائد کردی ہے۔
کمشنر آفس کراچی سے جاری نوٹیفکیشن کے مطابق یہ پابندی دفعہ 144 کے تحت 2 ماہ کیلئے عائد کی گئی ہے۔
کمشنر کراچی افتخار شالوانی کا کہنا ہے کہ پابندی کا نفاذ 22 جولائی تک رہے گااس دوران شہری ساحل پر جانے سے گریز کریں۔
خیال رہے کہ کورونا وائرس کے باعث محکمہ داخلہ سندھ نے پہلے ہی موٹر سائیکل کی ڈبل سواری پر پابندی عائد کررکھی ہے تاہم ایک ہی خاندان کےخواتین بچے اور بزرگوں کو ڈبل سواری پر پابندی سے استثنٰی قرار دیا گیا ہے۔
قانون نافذ کرنے والے اداروں،صحافیوں اور سرکاری ادارے کے ملازمین کو اس ضمن میں استثنیٰ نہیں دیا گیا ہے۔
