05 جون ، 2020 
پاکستان
ملک بھر میں پیٹرول کی دستیابی بہتر نہ بنائی جاسکی
05 جون ، 2020
ملک بھر میں پیٹرول کی دستیابی بہتر نہ بنائی جاسکی، بیشتر شہروں میں قلت برقرار رہنے سے عوام کو پریشانی کا سامنا ہے۔
پیٹرولیم ریٹیلرز ایسوسی ایشن کا کہنا ہے کہ سندھ میں پیٹرول کا 17 اور ڈیزل کا 8 دن کا ذخیرہ ہے۔ آئل اینڈ گیس ریگولیٹری اتھارٹی (اوگرا ) نے آئل مارکیٹنگ کمپنیوں کو تیل کی گرتی قیمتوں کے حساب سے ہائی اوکٹین کی قیمت مقرر کرنےکی ہدایت کی ہے۔
پیٹرولیم ریٹیلر ایسوسی ایشن کے رہنما سمیر گلزار کا کہنا ہے کہ پاکستان اسٹیٹ آئل (پی ایس او) پیٹرولیم مصنوعات کی بھرپور سپلائی فراہم کررہی ہے، کچھ کمپنیز نے سپلائی مکمل طور پر بند کردی ہے۔
گزشتہ روز پی ایس او کی جانب سے ہائی اوکٹین کی فی لیٹرقیمت میں 15 روپے کی کمی کی گئی تھی۔
