05 جون ، 2020 
ایشیائی ترقیاتی بینک کورونا سے نمٹنے کیلئے پاکستان کو 30 کروڑ ڈالر قرض دے گا
05 جون ، 2020
ایشیائی ترقیاتی بینک (اے ڈی بی) نے کورونا سے نمٹنے کیلئے پاکستان کو 30 کروڑ ڈالر کا قرض دینے کا اعلان کیا ہے۔
اعلامیے کے مطابق ایشیائی ترقیاتی بینک اور حکومت پاکستان کے درمیان معاہدے پر دستخط ہوگئے ہیں جس کے تحت اے ڈی بی 30 کروڑ ڈالر قرض اور 50 لاکھ ڈالر امداد کی صورت میں دے گا۔
وفاقی وزیر برائے اقتصادی امور خسرو بحتیار نے فنڈنگ پر ایشیائی ترقیاتی بینک کا شکریہ ادا کیا اور کہا کہ ایمرجنسی امداد انسداد کورونا اور احساس پروگرام کے ذریعے نقد رقم کی منتقلی کیلئے استعمال ہوگی۔
ایشیائی ترقیاتی بینک کے کنٹری ہیڈ نے کہا کہ پاکستان کے ساتھ سماجی واقتصادی شراکت دار جاری رکھیں گے۔
خیال رہے کہ اس سے قبل رواں سال مارچ میں بھی ایشیائی ترقیاتی بینک نے کورونا وائرس سے نمٹنے کیلئے 20 لاکھ ڈالر کی امداد کی منظور دی تھی۔
واضح رہےکہ ایشیائی ترقیاتی بینک نے دنیا بھر میں پھیلنے والی وبا کورونا وائرس کی روک تھام کیلئے پاکستان کو فوری طور پر5 کروڑ ڈالر امداد جاری کرنے کا اعلان کیا تھا۔
مزید خبریں :
ملک میں سونا مزید سستا ہوگیا
3 گھنٹے پہلے
انٹربینک میں ڈالر پھر مہنگا ہوگیا
5 گھنٹے پہلے
انٹربینک میں روپے کے مقابلے ڈالر کی قدر میں اضافہ
19 دسمبر ، 2024
ملک میں سونےکی قیمت میں بڑی کمی، فی تولہ سونا کتنےکا ہوگیا؟
19 دسمبر ، 2024
