Can't connect right now! retry

پاکستان
11 جون ، 2020

ریلوے کو خسارے سے نکالنا حکومت کی اولین ترجیحات میں شامل ہے ،وزیراعظم

وزیراعظم عمران خان کا کہنا ہے کہ ریلوے کو منافع بخش ادارے میں بدلنا اور اسے خسارے سے نکالنا حکومت کی اولین ترجیحات میں شامل ہے۔

اسلام آباد میں وزیرِاعظم کی زیرصدارت پاکستان ریلویزکی تنظیم نومیں پیش رفت سےمتعلق جائزہ اجلاس ہوا جس میں سیکرٹری ریلویز نے  ادارےکی تنظیم نو،ادارے میں آٹومیشن اور ڈیجیٹائزیشن سےمتعلق بریفنگ دی۔

سیکرٹری ریلویز  نے پاکستان ریلویزکے اثاثوں کے بہتر انتظام، ایم ایل ون میں پیش رفت ،ریلوے میں نجی شعبےکی شمولیت اور ریلویز کے مجوزہ منصوبوں پر بھی بریف کیا۔

اس موقع پر وزیراعظم کا کہنا تھا کہ ریلوے عوام کو آمدورفت کا بہترین محفوظ اور سستا ذریعہ فراہم کرتا ہے اس لیے اسے خصوصی توجہ کی ضرورت ہے۔

انہوں نے کہا کہ ادارے کے تنظیم نو اور اس میں تبدیلی کا عمل صرف اس وقت مکمل ہوگا جب عوام خود اس تبدیلی کو محسوس کریں گے اور اس سے مستفید ہوں گے۔

وزیراعظم نے نجی شعبے کے تحت ریلوے کے انتظام کو سراہتے ہوئے ہدایت کی کہ 15 ٹرینیں نجی شعبے کے حوالے کرنے کا عمل جلد مکمل کیا جائے۔

ایم ایل ون منصوبے پر اظہار خیال کرتے ہوئے وزیراعظم نے کہاکہ یہ چین پاکستان اقتصادی راہداری (سی پیک) کے اہم ترین منصوبوں میں سے ایک ہے۔

انہوں نے اس منصوبے کے تناظر میں ریلوے کی تنظیم نو مکمل کرنے کی ہدایت کی تاکہ اسے جدید خطوط پر استوار کیا جاسکے اور نجی شعبے کے ساتھ اشتراک کے زیادہ سے زیادہ مواقع پیدا کیے جاسکیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM