بجٹ اجلاس کے دوران آٹا چور، چینی چور کے نعرے

حزب اختلاف کی جانب سے مالی سال 2020-21 کے بجٹ کے دوران شدید احتجاج اور حکومت کے خلاف نعرے بازی کی گئی۔

اسپیکر اسد قیصر کی زیرصدارت قومی اسمبلی کا اجلاس ہوا جس میں وزیر اعظم عمران خان نے بھی شرکت کی۔

لائیو: مالی سال 21-2020 کا 72 کھرب 95 ارب روپے کا وفاقی بجٹ، کوئی نیا ٹیکس نہیں لگایا گیا

مالی سال 20-2019 کے مقابلے میں اس بار بجٹ کا مجموعی حجم 11 فیصد کم ہے، بیرونی وسائل سے 810 ارب روپے آمدنی کا تخمینہ لگایا گیا ہے، بجٹ دستاویز

مالی سال 2020-21 کا بجٹ وفاقی وزیر برائے صنعت و پیداوار حماد اظہر نے پیش کیا۔ اس دوران حزب اختلاف کی جماعتوں مسلم لیگ (ن)، پیپلزپارٹی اور متحدہ مجلس عمل نے احتجاج کیا اور احتجاجی بینرز اٹھا کر نعرے بازی کی۔

اپوزیشن نے ’50 لاکھ گھر کہاں ہیں؟ اور ’کورونا کمزورہوگیا ہے‘ سمیت دیگر عوامی مطالبات پر مشتمل پلے کارڈز اٹھا رکھے تھے۔

اپوزیشن ارکان نے ایوان میں مسلسل نعرے بازی کی گئی جب کہ اپوزیشن ارکان نے آٹا چور، چینی چور اور علی بابا چالیس چور کے نعرے بھی لگائے تاہم اس  دوران حماد اظہر بجٹ پیش کرتے رہے۔