15 جون ، 2020 
پاکستان
محکمہ صحت کے مطابق ان علاقوں میں 489افراد میں کورونا وائرس کی تصدیق ہوچکی ہے،فوٹو:ٖفائل
سوات کے مختلف علاقوں میں اسمارٹ لاک ڈاؤن کا فیصلہ
15 جون ، 2020
خیبر پختونخوا کے ضلع سوات کی انتظامیہ اور صوبائی محکمہ صحت نے کورونا وائرس سے شدید متاثرہ علاقوں میں اسمارٹ لاک ڈاؤن کا فیصلہ کیا ہے۔
محکمہ صحت خیبر پختونخوا کے مطابق سیل کیے گئے علاقوں میں تحصیل بحرین، مٹہ، بابوزئی، کبل اور بری کوٹ کے 11 علاقے شامل ہیں۔
محکمہ صحت کے مطابق ان علاقوں میں 489 افراد میں کورونا وائرس کی تصدیق ہوچکی ہے۔
انتظامیہ کے مطابق اسمارٹ لاک ڈاؤن والے علاقوں میں کسی کو آنے جانے کی اجازت نہیں ہوگی۔
خیال رہے کہ خیبر پختونخوا میں کورونا سے متاثرہ افراد کی تعداد 18 ہزار سے تجاوز کرچکی ہے جب کہ 707 افراد ہلاک ہوچکے ہیں۔
