پاکستان
19 جون ، 2020
19 جون ، 2020 
گھوٹکی میں رینجرز کی گاڑی کے قریب دھماکا، 2 اہلکار شہید
19 جون ، 2020
گھوٹکی: گھوٹا مارکیٹ میں رینجرز کی گاڑی کے قریب دھماکے میں 2 اہلکار شہید ہوگئے۔
ڈی ایس پی گھوٹکی حافظ قادر کے مطابق گھوٹا مارکیٹ میں رینجرز اہل کار گوشت خرید رہے تھے کہ اچانک موبائل کے قریب دھماکا ہوگیا جس سے 2 اہلکار شہید اور ایک شہری جاں بحق ہوگیا۔
ڈی ایس پی نے بتایا کہ دھماکے میں ایک رینجرز اہلکار اور ایک شہری بھی زخمی ہوا ہے جنہیں فوری طبی امداد کے لیے تحصیل اسپتال منتقل کردیا گیا۔
ڈی ایس پی گھوٹکی کے مطابق واقعے کی تحقیقات شروع کردی گئی ہیں۔
دوسری جانب وزیراعلیٰ سندھ مراد علی شاہ نے دھماکے میں قیمتی جانوں کے ضیاع پر اظہار افسوس کرتے ہوئے فوری تحقیقات کا حکم دیا ہے۔
وزیراعلی سندھ نے ہدایت کی کہ واقعے کی مکمل تحقیقات کرکے رپورٹ دی جائے۔
مزید خبریں :
وزیراعظم نے ترقی کیلئے تاجروں سے مدد مانگ لی
50 منٹ پہلے
