Can't connect right now! retry

دلچسپ و عجیب
03 جولائی ، 2020

فیس ماسک، دستانے اور حفاظتی لباس کی 'ڈرون سروس' کے ذریعے ترسیل

فوٹو: بشکریہ ہندوستان ٹائمز

کورونا وائرس کی وجہ سے دنیا بھر میں فیس ماسک، دستانے، سینیٹائزر اور حفاظتی لباس کی طلب میں اضافہ ہوا ہے جب کہ اسپتالوں میں ان کی فراہمی کو یقینی بنانے کے لیے ہر طرح کے اقدامات کیے جا رہے ہیں۔

غیر ملکی خبر رساں ادارے کے مطابق حال ہی میں کورونا وائرس کے پھیلاؤ کو روکنے اور وائرس سے بچنے کے لیے میکسیکن کمپنی نے ایک ڈرون سروس متعارف کرائی ہے جو اسپتالوں میں طبی سامان کی ترسیل کو یقینی بنا رہی ہے۔

اس سروس کے ذریعے اسپتالوں میں ماسک، گلوز، سینیٹائزرز اور حفاظتی لباس کو ڈرون کے ذریعے بھیجا جا رہا ہے۔

میکسیکو میں میڈیکل ہیلتھ ورکرز کی جانب سے احتجاج بھی کیا گیا تھا کہ انہیں حفاظتی لباس کی کمی کا سامنا ہے، یہی وجہ ہے کہ اس ڈرون سروس کا آغاز کیا گیا ہے جس کے ذریعے کسی بھی اسپتال میں جلد از جلد چیزیں پہنچائی جارہی ہیں۔

ڈرون سروس کا آغاز کرنے والی کمپنی کے ڈائریکٹر کا کہنا ہے کہ ہم ناصرف وقت کی بچت کرنا چاہتے تھے بلکہ انسانوں کا ایک دوسرے سے رابطہ کیے بغیر ہی اسپتالوں میں میڈیکل سپلائز پہنچانا چاہتے تھے تاکہ وائرس سے بچا جا سکے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM