مختلف کمبی نیشنز آزمانے کیلئے قومی ٹیم کل سے 2 روزہ انٹرا اسکواڈ میچ کھیلے گی
04 جولائی ، 2020
انگلینڈ کے خلاف سیریز کے لیے قومی کرکٹ ٹیم کا ووسٹر میں چار روزہ پریکٹس کے بعد آج آرام کا دن تھا جب کہ قومی ٹیم کل سے دو روزہ انٹراسکواڈ میچ کھیلے گی۔
انگلینڈ کے خلاف ٹیسٹ اور ٹی ٹوئنٹی سیریز کے لیے ان دنوں ووسٹر میں موجود پاکستان کرکٹ ٹیم نے مسلسل چار روز پریکٹس کی جہاں ہر دن دو ٹریننگ سیشن ہوئے جس میں کھلاڑیوں نے بیٹنگ، بولنگ اور فیلڈنگ کی ڈرلز کے علاوہ جم میں ایکسرسائزز بھی کیں۔
چار روز کی پریکٹس کے بعد کرکٹرز نے ہفتے کو آرام کیا اور انڈور سرگرمیوں میں حصہ لیا۔
پاکستان کرکٹ ٹیم کے ہیڈ کوچ مصباح الحق نے اس چار روزہ ٹریننگ پر اطمینان کا اظہار کیا ہے۔
دوسری جانب پاکستان کرکٹ ٹیم اتوار کو ایک نئے انداز سے پریکٹس کرے گی، کھلاڑیوں کی آپس کی دو ٹیمیں بناکر 2 روزہ انٹر ا اسکواڈ وارم اپ میچ کھیلا جائے گا تاکہ مختلف کمبی نیشنز آزمائے جاسکیں۔
