24 جولائی ، 2020 
چینی کی قیمت نے شہریوں کے منہ کا ذائقہ کڑوا کردیا
24 جولائی ، 2020
چینی کی قیمت نے شہریوں کے منہ کا ذائقہ کڑوا کردیا،ایک ہفتے میں 2 روپے 52 پیسے فی کلو منہگی ہوکر 87 روپے 84 پیسے فی کلو پر جا پہنچی۔
20 کلو آٹے کے تھیلے پر پانچ ، دس نہیں اکٹھے 34 روپے بڑھ گئے، آلو 64 روپے کلو پر پہنچ گیا، پیاز کی قیمت بھی 4 روپے فی کلو بڑھ گئی۔
ادارہ شماریات نے مہنگائی کی ہفتہ وار رپورٹ جاری کر دی جس کے مطابق حالیہ ہفتے میں مہنگائی میں 0.21 فیصد اضافہ ہوا ہے۔
ادارہ شماریات کے مطابق ایک ہفتہ میں 17 اشیائے ضروریہ کی قیمتوں میں اضافہ ہوا۔ ایک ہفتے میں چینی کی قیمت میں 2 روپے 52 پیسے فی کلو کا اضافہ ہوا اور چینی کی قیمت 85 روپے32 پیسےسے بڑھ کر 87 روپے 84پیسے فی کلو ہو گئ۔
ادارہ شماریات کے مطابق تین ہفتوں کے دوران چینی کی فی کلو قیمت میں 7 روپے سے زائد کا اضافہ ہوچکا ہے۔
اس کے علاوہ ایک ہفتے کےدوران 20 کلو آٹے کا تھیلا 34 روپے مہنگا ہو گیا، آلو کی قیمت میں 2.02 روپے فی کلو اضافہ ہوا اور کی قیمت 62.27 روپےسے بڑھ کر 64 روپے 29 پیسے فی کلو ہو گئی۔
ادارہ شماریات کے مطابق پیاز 4 روپے فی کلو، 200 گرام سرخ مرچ 16 روپے مہنگی ہوئی، ایک ہفتہ میں دہی فی کلو 2 روپے مہنگا ہوا، دودھ ،چھوٹا گوشت اور چاول کی قیمت میں بھی اضافہ ہوا۔
ادارہ شماریات کے مطابق ایک ہفتے میں 11 اشیاء کی قیمتوں میں کمی ہوئی، چکن 29 روپے 73 پیسے فی کلو سستی ہوئی، کیلے فی درجن 3 روپے، لہسن 2 روپے فی کلو سستا ہوا، ایل پی جی کا سلنڈر بھی 7 روپے سستا ہوا، دال مونگ، انڈے اور د ال ماش بھی سستی ہوئے۔
ادارہ شماریات کے مطابق ایک ہفتے میں 23 اشیاء کی قیمتوں میں استحکام رہا۔
مزید خبریں :
انٹربینک میں ڈالر کی قدر میں معمولی اضافہ
5 گھنٹے پہلے
ملک میں سونےکی قیمت میں اضافہ ہوگیا
6 گھنٹے پہلے
سونے کی فی تولہ قیمت میں مسلسل تیسرے روز بھی کمی ہوگئی
02 نومبر ، 2024
ٹیکس اہداف میں ناکامی: آئی ایم ایف نے منی بجٹ کا مطالبہ کردیا
02 نومبر ، 2024
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
پی ایس ایکس: 100 انڈیکس میں 1893 پوائنٹس کا اضافہ
01 نومبر ، 2024
