99 سالہ بزرگ ترین پائلٹ اور فلائٹ انسٹرکٹر سے ملیے

عموماً دنیا بھر میں خواتین پائلٹ اور فلائٹ انسٹرکٹر کم ہی ہوتی ہیں اور آج ہم آپ کو ایک ایسی حیرت انگیز بزرگ خاتون کے بارے میں بتائیں گے جنہیں دنیا کی بزرگ ترین پائلٹ اور فلائٹ انسٹرکٹر ہونے کا عالمی ریکارڈ اپنے نام کرنے کا اعزاز حاصل ہے۔

غیر ملکی خبر رساں ادارے کے مطابق امریکی ریاست کیلیفورنیا سے تعلق رکھنے والی 99 سالہ روبینہ آستی نے 2 عالمی ریکارڈ اپنے نام کیے ہیں۔

روبینہ آستی کو دنیا کی بزرگ ترین خاتون پائلٹ ہونے کے ساتھ ساتھ جہاز اڑانے کی تربیت دینے کے عالمی ریکارڈ سے نوازا گیا ہے۔

بزرگ پائلٹ کا کہنا ہے کہ انہیں جہاز اڑانے کے تربیت دینا بے حد اچھا لگتا ہے۔

99 سالہ بزرگ خاتون پائلٹ نے گزشتہ دنوں نیکسٹجین فلائٹ اکیڈمی میں اپنی زندگی کی آخری تربیتی پرواز اڑائی تھی۔