06 اگست ، 2020 
راجن پور میں بیٹے نے ماں کو فائرنگ کرکے قتل کردیا
06 اگست ، 2020
پنجاب کے ضلع راجن پور میں ظالم بیٹے نے اپنی ماں کو فائرنگ کرکے قتل کردیا۔
یہ افسوس ناک واقعہ راجن پور کے علاقے جام پور میں پیش آیا۔ پولیس کے مطابق ملزم کے خلاف مقدمہ درج کرکے اسے گرفتار کرلیا ہے۔
واضح رہے کہ ملک میں بچوں کے والدین پر تشدد یا قتل کے واقعات کافی بڑھ گئے ہیں۔
آج ہی کراچی میں ایک نوجوان نے کلہاڑی کے وار کرکے اپنی ماں کو قتل کر دیا۔
ایس ایس پی ایسٹ کے مطابق ملزم کا اپنی ماں سے جھگڑا ہوا تھا جس پر اس نے طیش میں آکر کلہاڑی سے ماں پر وار کیا جس سے خاتون موقع پر ہی جاں بحق ہوگئیں۔
گزشتہ دنوں راولپنڈی میں ارسلان نامی شخص نے اپنی بیوی کے ساتھ مل کر اپنی ماں پر تشدد کیا تھا جس کی ویڈیو سوشل میڈیا پر وائرل ہوگئی تھی۔
ماں نے دکھی دل کے ساتھ بتایا تھا کہ بیٹا اور بہو آئے روز جھگڑا کرتے ہیں اور پھر بیٹے اور بہو نے مل کر تشدد کا نشانہ بنایا۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
3 گھنٹے پہلے
ملک کے آلودہ ترین شہروں میں سکھر سرفہرست رہا
3 گھنٹے پہلے
