08 اگست ، 2020 
ائیر انڈیا حادثہ: طیارے کا بلیک باکس مل گیا، ہلاکتیں 19 ہوگئیں
08 اگست ، 2020
بھارتی ریاست کیرالا میں حادثے کا شکار ہونے والے ائیر انڈیا کے طیارے کا بلیک باکس مل گیا جب کہ حادثے میں ہلاکتوں کی تعداد 19 ہوگئی۔
بھارتی میڈیا کے مطابق حادثے میں زخمی ہونے والے 22 افراد کو طبی امداد کے بعد مختلف اسپتالوں سے فارغ کردیا گیا ہے جب کہ 100 افراد زخمی ہیں جن میں سے 15 زخمیوں کی حالت تشویشناک ہے۔
بھارتی میڈیا نے حادثے میں اب تک 19 افراد کی ہلاکتوں کی تصدیق کی ہے جن میں پائلٹ کیپٹن دیپک اور معاون پائلٹ اکھلیش کمار بھی شامل ہیں۔
بھارتی میڈیا کے مطابق طیارے کا ڈیجیٹل فلائٹ ڈیٹا ریکارڈر، کاک پٹ وائس ریکارڈر اور بلیک باکس ملبے سے نکال لیا گیا ہے جن کی مدد سے حادثے کی تحقیقات شروع کردی گئی ہیں۔
بھارتی میڈیا کا بتانا ہے کہ حادثے کے نتیجے میں طیارے میں سوار 4 کیبن کریو ممبر محفوظ رہے اور انہیں معمولی چوٹیں آئیں جنہیں مقامی اسپتال میں طبی امداد فراہم کی جارہی ہے۔
بھارتی میڈیا کے مطابق طیارہ حادثے میں ہلاک ہونے والوں میں سے 2 افراد میں کورونا وائرس کی تصدیق بھی ہوئی ہے جس کے بعد ریسکیو سرگرمیوں میں حصہ لینے والے اہلکاروں کے بھی ٹیسٹ کرائے جارہے ہیں۔
واضح رہے کہ گزشتہ روز بھارت کا مسافر طیارہ حادثے کا شکار ہوا، ائیرانڈیا کی دبئی سے آنے والی پرواز میں عملے کے ارکان سمیت 191 مسافر سوار تھے، طیارہ لینڈنگ کے دوران کیرالہ کے کالی کٹ ائیرپورٹ پر پھسل گیا، مسافر طیارہ رن وے سے پھسل کر 35 فٹ نیچے وادی میں گرکر دو ٹکڑے ہوگیا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
