09 اگست ، 2020 
ٹیسٹ رینکنگ میں عباس ٹاپ ٹین میں دوبارہ شامل، بابر اعظم بدستور چھٹے نمبر پر
09 اگست ، 2020
آئی سی سی کی ٹیسٹ ریکنگ میں قومی ٹیم کے فاسٹ بولر محمد عباس دوبارہ ٹاپ ٹین میں شامل ہو گئے۔
آئی سی سی نے پاکستان اور انگلینڈ کے درمیان مانچسٹر میں کھیلے گئے ٹیسٹ کے بعد کھلاڑیوں کی نئی رینکنگ جاری کی ہے۔
نئی ٹیسٹ رینکنگ کے مطابق بلے بازوں میں آسٹریلیا کے اسٹیون اسمتھ بدستور پہلے نمبر پر موجود ہیں جب کہ ویرات کوہلی دوسرے اور مارنوس لبوشین تیسرے نمبر پر ہیں۔
پاکستان کے بابر اعظم 791 پوائنٹس کے ساتھ چھٹے نمبر پر موجود ہیں جب کہ ڈیوڈ وارنر ان سے دو پوائنٹس کے اضافے سے پانچویں نمبر پر ہیں۔
انگلینڈ کے خلاف پہلی اننگز میں 156 رنز کی شاندار اننگز کھیلنے والے شان مسعود بھی ترقی پا کر 19 ویں نمبر پر پہنچ گئے ہیں۔
بولنگ کے شعبے میں بھی آسٹریلیا کے فاسٹ بولر پیٹ کمنز پہلے نمبر پر ہیں جب کہ پاکستان کے محمد عباس مانچسٹر ٹیسٹ میں تین وکٹیں لینے کے بعد آسٹریلیا کے جوش ہیزل وڈ کے ساتھ مشترکہ طور پر دسویں نمبر پر آ گئے ہیں، دونوں کے پوائنٹس کی تعداد 769 ہے۔
آل راؤنڈرز کی فہرست میں کوئی بھی پاکستانی کھلاڑی ٹاپ ٹین میں شامل نہیں ہے جب کہ اس فہرست میں پہلا نمبر انگلینڈ کے بین اسٹوکس کا ہے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
