Can't connect right now! retry

کھیل
13 اگست ، 2020

پاکستان کی بیٹنگ پھر لڑکھڑاگئی، 11 سال بعد ٹیسٹ کھیلنے والے فواد عالم صفر پر آؤٹ

ساؤتھمپٹن: انگلینڈ کیخلاف دوسرے  ٹیسٹ میچ کے پہلے روز پاکستان ٹیم کی بیٹنگ لائن پھر لڑکھراگئی، 11 برس بعد ٹیسٹ میچ کھیلنے والے فواد عالم صفر پر آؤٹ ہوگئے۔

پہلے دن کے اختتام پر پاکستان نے 5 وکٹوں کے نقصان پر 126 رنز بنائے۔ 

پاکستان کا انگلینڈ کے خلاف ٹاس جیتنے کے بعد پہلے بیٹنگ کرنے کا فیصلہ دُرست ثابت نہیں ہوسکا۔

پاکستان کی پہلی وکٹ  6 کے مجموعی اسکور پر گری جب پہلے ٹیسٹ میں سنچری کرنے والے شان مسعود کے صرف ایک کے انفرادی اسکور پر آؤٹ ہوگئے۔

اس  کےبعد کپتان اظہر علی اور عابد علی نے دوسری وکٹ پر 72 رنز کی شراکت قائم کی ، عابد علی نصف سنچری بنانے میں کامیاب ہوئے مگر پھر بیٹسمین یکے بعد دیگرے آؤٹ ہونے لگے۔

کپتان اظہر علی 20، عابد علی 60، اسد شفیق 5 اور 11 سال بعد ٹیسٹ کرکٹ میں واپس آنے والے فواد عالم بغیر کوئی رن بنائے آؤٹ ہوگئے۔

خراب روشنی کی وجہ سے پہلے دن کا کھیل جلد ختم کردیا گیا، پاکستان نے 5 وکٹوں پر 126 رنز بنائے تھے جبکہ بابر اعظم 25 اور محمد رضوان 4 رنز بناکر وکٹ پر موجود تھے۔

انگلینڈ کی جانب سے جیمز اینڈرسن نے دو جبکہ اسٹیورٹ براڈ، سیم کرن اور کرس ووکس نے ایک ایک وکٹ حاصل کی۔

قبل ازیں ٹاس جیت کر قومی ٹیم کے کپتان اظہر علی کا کہنا تھا ہم نے یہ محسوس کیا کہ ٹیم میں ایک اسپنر کافی ہے لہٰذا شاداب خان کو آرام دیکر فواد عالم کو ٹیم میں شامل کیا گیا ہے۔

دوسری جانب انگلینڈ کی ٹیم میں دو تبدیلیاں کی گئی ہیں، ذاتی مصروفیات کی وجہ سے نیوزی لینڈ جانے والے بین اسٹوکس کی جگہ بلے باز زیک کرولے کو ٹیم میں شامل کیا گیا ہے جب کہ جوفرا آرچر کی جگہ سیم کرن کو موقع فراہم کیا گیا ہے۔

خیال رہے کہ تین ٹیسٹ میچوں کی سیریز میں انگلینڈ کو ایک صفر کی برتری حاصل ہے۔

مانچسٹر میں کھیلے گئے پہلے ٹیسٹ میں انگلینڈ نے پاکستان کو باآسانی تین وکٹوں سے شکست دے دی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM