مائیکرو سافٹ کے براؤزر انٹرنیٹ ایکسپلورر کا عہد اختتام پزیر

فوٹو: فائل

مائیکرو سافٹ نے بلآخر 1995 میں نیٹ اسکیپ نیوی گیٹر کے مقابلے میں متعارف کرایا جانے والے ویب براؤزر انٹرنیٹ ایکسپلورر کو ختم کرنے کا اعلان کر دیا۔

غیر ملکی خبر رساں ادارے کے مطابق ٹیکنالوجی کمپنی نے حال ہی میں اپنی ایک بلاگ پوسٹ کے ذریعے اعلان کیا ہے 17 اگست 2021 سے مائیکرو سافٹ کی 365 ایپس اور سروسز سے انٹرنیٹ ایکسپلورر 11 کی سپورٹ ختم کر دی جائے گی۔

دوسری جانب مائیکرو سافٹ ٹیمز ویب ایپ 30 نومبر 2020 سے براؤزر کو سپورٹ نہیں کرے گی جب کہ اب انٹرنیٹ ایکسپلورر کی جگہ کمپنی کے براؤزر مائیکرو سافٹ ایج نے لے لی ہے۔

خیال رہے کہ ٹیکنالوجی کمپنی مائیکرو سافٹ کئی برسوں سے اپنے براؤزر انٹرنیٹ ایکسپلورر کو ختم کرنے پر کام کر رہی تھی۔

مائیکرو سافٹ نے 2015 میں اپنے نئے براؤزر مائیکرو سافٹ ایج کو متعارف کرانے کا اعلان کیا تھا۔

مزید خبریں :